Mavzu: №1 Neft va gaz mahsulotlarini fizik-kimyoviy tahlil qilish usullari haqida ma’lumot

To‘g‘ri potensiometrik usuli yordamida ionlarning aktivligini (rN, pNO₃ va pK), dissotsiatsiya konstantasi, muvozanat konstantasi, kompleks birikmalarning barqarorlik konstantasi, yomon eriydigan moddalarning eruvchanlik ko‘paytmasi kabi fizik-kimyoviy kattaliklarning qiymatlari o‘lchanadi.

Bu usul ionlarning aktivligini to‘g‘ridan-to‘g‘ri aniqlashga imkon beradigan yagona usul hisoblanadi. Bu usul quyidagi turlarga bo‘linadi:

pH-metrik - eritmalarning pH qiymatlari, kislota va asoslarning (protolitlarning) kislotali-asosli konstantalari, protolitik xususiyatga ega bo‘lgan kompleks birikmalarning barqarorlik konstantalari va shu kabilarni aniqlashga imkon beradi.

Ionometrik - pH -metriyaning rivojlanishi natijasida mustaqil usul bo‘lib ajralgan zamonaviy usullardan biri. Bu usulda indikator elektrodi sifatida turli xil ionoselektiv elektrodlar qo‘llaniladi.

Redoksmetrik - oksidlanish-qaytarilish reaksiyalari va redoks juftlarning potensiallarini o‘lchashga asoslangan usul bo‘lib, uning yordamida redoks juftlarning standart va real potensiallari, ular asosida esa turli xil konstantalar hamda kinetik kattaliklar aniqlanadi.