Mavzu: Ona-Vatan

Dars texnologiyasi

Dars elementlari	I	II	III	IV	V	VI	VII	VIII	IX	X
Davomiyligi	1	4	5	10	5	10	3	3	2	2

Texnologik xarita

Mavzu	Dam olish, sog'liqni saqlash, bilim olish huquqlari haqida
Maqsad va vazifalar	O'qituvchi: o'quvchilarda dam olish, sog'liqni saqlash, bilim olish huquqlari haqida tushun­chalarni tarkib toptirish.
Dars jarayonining borishi	Tashkiliy qism. Uy vazifasini so'rash. O'qituvchining kirish so'zi. Muammoli topshiriqni hal etish. O'quvchilar javobini to'ldirish. Darslikda berilgan rasmlar asosida suhbat. "Buni bilib oling" shartli belgisi bilan berilgan matnni o'qish va tahlil qilish. She'riy matnni ifodali o'qish. She'r mazmuni bo'yicha suhbat. Darsni yakunlash. Uyga vazifa berish.
O'quv jarayonini amalga oshirish texnologiyasi	Uslub: noan'anaviy (muammoli dars); Shakl: sinf-dars. Texnologik usul: o'quvchilar fikrini faollashtirish. Vosita: darslik, rasm. Nazorat: frontal, yakka.
Kutilayotgan natijalar	O'qituvchi: darsning maqsadiga erishish.	O'quvchi: huquqiy tu­shunchalarni anglash.
Kelgusi rejalar	O'qituvchi: o'quvchi­larda huquqiy madaniyatni o'stirish.	O'quvchi: bilim olish, dam olish, sog'liqni saq­lash huquqlari haqidagi tushunchalarni bilish.

Darsning borishi:

I. Darsni tashkil qilish.

II. O'tgan darsdagi mavzu uyga vazifa qilib berilgan maqolni so'rash va mazmunini izohlatish orqali mustahkamlanadi.

III. O'qituvchi o'quvchilarga quyidagi matnda berilgan muammoli topshiriqni hal etishni topshiradi.

"Nima qilsin?

Karimjonning ota-onasi avtohalokatda bevaqt vafot etishgan. Shundan so'ng amakisi uning tarbiyasini o'z zimmasiga olgan. U voyaga yetgunga qadar Karimjonni yedirib-ichirishi, salomatligiga qarashi, dam olishi va bilim egallashi uchun sharoit yaratib berishi lozim.

Afsuski, amakisi spirtli ichimliklarni ko'p ichadi. Kunda eshikdan qiyshayib, gandiraklab kirib keladi. Shu tufayli ro'zg'orida baraka yo'q. Karimjon u yoqda tursin, o'z bolalarini ham yolchitib boqa olmaydi.

Karimjon darslarini vaqtida qila olmaydi, salomatligiga qaray olmaydi, kino-teatr, muzey, istirohat bog'iga yangi oilasi bilan biror marta ham bormagan. Dam olish maskanlarida bo'lgan emas.

Qani ayting-chi, bolalar, Karimjon o'z huquqlarini himoya qilish uchun kimlarga murojaat qilishi lozim?

IV. O'quvchilar javobi tinglanib, to'ldiriladi.

V. Darslikda berilgan rasmlar asosida suhbat o'tkaziladi.

VI. "Buni bilib oling" shartli belgisi bilan berilgan matn o'qiladi va mazmuni izohlanadi.

VII. Darslikdan shoir Shuhratning "Barini sev" she'ri ifodali o'qiladi.

VIII. She'r yuzasidan savollar asosida suhbat o'tkaziladi.

IX. Dars xulosalanib, o'quvchilar bilimi rag'batlantiriladi.

X. Uyga vazifa: darslikdan Shuhratning "Barini sev" she'rini yod olish va o'z huquqlari haqida kichik matn tuzish.

28- dars