Mehnatni muhofaza qilish qoidalarini buzganlik uchun javabgarlik

Jinoiy javobgarlik. Mehnat muhofazasiga oid qoidalar buzilishi natijasida
ishchi-xodimlar bilan baxtsiz hodisalar ro‘y bersa yoki boshqa og‘ir oqibatlarga
sabab bo‘lsa, qoidani buzgan shaxslar jinoiy javobgarlikka tortiladi.
Respublikamizning Jinoyat kodeksida mehnatkashlaming salomatligini muhofaza
qilish uchun javobgarlikni nazarda tutadigan bir necha modda bor. Ishlab chiqarish
korxonalarida qoidani buzgan shaxsga nisbatan Jinoyat kodeksidagi moddaga
muvofiq, bir yilgacha ozodlikdan mahrum qilish yoki shu muddatga axloq tuzatish
ishlariga jalb qilish, jarima solish yoxud lavozimidan bo‘shatish tarzida jazo turlari
qo‘llaniladi. Agar mehnat muhofazasi qoidalari buzilganlik natijasida bir necha
kishiga tan jarohati yetsa, bunday holatlarda jinoiy javobgarlikning yanada qattiq
choralarini qo‘llash nazarda tutiladi.
Jinoiy javobgarlik. O`z. R. jinoyat protsessual kodeksiga binoan olib boriladi. Masalan:
- qoidaning buzilishi baxtsiz hodisaga olib kelsa, bir yilgacha axloq tuzatish ishlariga yoki ozodlikdan mahrum qilish yoki besh minimal okladgacha jarima, yoki ishdan bo`shatish choralari qo`llanadi;
- qoidaning buzilishi tan jarohatiga yoki mehnat qobiliyatini yo`qtishga olib kelsa, 3 yilgacha ozodlkdan mahrum qilish yoki bir yilgacha axloq tuzatish choralari qo`llanadi;
- qoidaning buzilishi kishining o`limiga yoki bir necha kishining og`ir tan jarohatiga sabab bo`lsa, 5 yilgacha ozodlikdan mahrum bo`lishi mumkin;
-korxonadan chiqayotgan chiqindilar tufayli havo va suv havzalarining ifloslanishi uchun 1 yilgacha axloq tuzatish ishlariga yoki besh minimal okladgacha jarima to`lanadi.
Jinoyat kodeksida mehnatni muhofaza qilish va boshqa qoidalariga rioya etmaslik yuzasidan javobgarlik nazarda tutadigan:


257-modda. Mehnatni muhofaza qilish qoidalarini buzish
Texnika xavfsizligi, sanoat sanitariyasi yoki mehnatni muhofaza qilishning boshqa qoidalarini shu qoidalarga rioya etilishi uchun mas’ul bo’lgan shaxs tomonidan buzilishi o’rtacha og’ir yoki og’ir tan jarohati yetkazilishiga sabab bo’lsa, —eng kam oylik ish haqining yigirma besh baravaridan ellik baravarigacha miqdorda jarima yoki besh yilgacha muayyan huquqdan mahrum qilish yoki uch yilgacha axloq tuzatish ishlari yoki bir yildan uch yilgacha ozodlikni cheklash yoxud uch yilgacha ozodlikdan mahrum qilish bilan jazolanadi.
O’sha qilmish:
a) odam o’lishiga;
b) boshqa og’ir oqibatlar kelib chiqishiga sabab bo’lsa, —
muayyan huquqdan mahrum qilib, ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.