Microsoft Word Tursunboyev S. O'zbek teatri tarixi. Majmua

MAHMUDXO’JA BEHBUDIY TEATR HAQIDA 
 
Teyotr  —  ibratnomadur...  Hech  kimni  rioya  qilmasdan  to’g’ri  so’zlaguvchi  va  ochiq 
haqiqatni  bildiruvchidir...  Umumiy  odatlarni  nafi  va  zararidan  paydo  bo’laturg’on 
natijalarni  teatrxonada  aynan  ko’rsaturlarki,  har  kim  mundan  ta’sirlanib,  yomon  odatlarni 
tark  etib,  yaxshilikni  ziyoda  ishlamoqg’a  sabab  bo’lur...  teyotr  xonalari  masxarabozxona 
bo’lmay, balki ibratxonadur, mushaxxis-aktyor muallimi axloqdurlar. 
 
MAHMUDXO’JA BEHBUDIY 
ZAMONDOSHLARI XOTIRASIDA 
 
Siyosiy, ijtimoiy faoliyat va bilimining kengligi jihatidan Turkistonning o’sha vaqtdagi 
jadidlaridan unga teng keladigani yo’q, deb o’ylayman. 
Fayzulla Xo’jayev 
 
 

---

Behbudiy eng avval Turkistonni chor hukumati qo’lidan qutqarish g’oyasini elga talqin 
qiluvchilardan, aholining  ezilganligini  birinchi sezganlardan  va bu  haqda turli  usta  yo’llar 
ila  xalqni  istiqbol  ko’rishga  chaqirganlardandir.  Turkistonning  uyg’onish  davrini  uch 
qismga — maorif, matbuot va jamiyatga bo’lib, shu davr rahbarlarini tekshira boshlasak, bu 
harakatlarning boshida Behbudiy turganligini ko’ramiz. 
Laziz Azizzoda