Pensiya tayinlashda amalga oshirilayotgan o‘zgarishlar . O‘zbekiston Respublikasi Prezidentining «Fuqarolarga davlat pensiyasini tayinlash jarayonini soddalashtirish hamda pensiya va nafaqalarni fuqarolarga yetkazish tizimini takomillashtirish chora-tadbirlari to‘g‘risida»gi Qarori loyihasi e’lon qilindi.
Qayd etilishicha, bugungi kunda pensiyalarni tayinlashda 30 turdagi hujjatlar talab etiladi hamda mazkur ma’lumotlarni taqdim etishga mas’ul 14 dan ortiq vazirlik va tashkilotlarda idoraviy axborot tizimlari, elektron resurs va ma’lumotlar bazalari mavjud emasligi qog‘oz shaklida ish yuritishdan voz kechish va hujjatlarni yig‘ish jarayonini elektron shaklga o‘tkazishga to‘sqinlik qilib kelmoqda.
Qarorga binoan:
2022-yil 1-apreldan boshlab pensiyalarni hisoblash fuqarolarning «Yagona mehnat milliy tizimi» idoralararo dasturiy-apparat kompleksi (keyingi o‘rinlarda – YaMMT IDAK)ga kiritilgan mehnat staji, oliy o‘quv yurtlaridagi kunduzgi ta’lim va harbiy xizmat davri to‘g‘risidagi elektron ma’lumotlari asosida amalga oshiriladi.
Fuqarolarga davlat pensiyalarini tayinlash va to‘lashning avtomatlashtirilgan tizimini bosqichma-bosqich joriy etish, jumladan pensiyalarni tayinlash uchun faqat pasport yoki identifikatsiya ID-kartasi bilan murojaat qilish kifoya bo‘ladigan tizimni joriy etish bo‘yicha Yo‘l xaritasi (keyingi o‘rinlarda – Yo‘l xaritasi) tasdiqlanadi.
2022-yil 1-yanvardan boshlab: O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi (keyingi o‘rinlarda Pensiya jamg‘armasi) tomonidan moliyalashtiriladigan pensiyalar, ijtimoiy nafaqalar, kompensatsiyalar va boshqa to‘lovlarni (keyingi o‘rinlarda pensiya va nafaqalar) to‘lash har uch yilda Qoraqalpog‘iston Respublikasi, viloyatlar va Toshkent shahri bo‘yicha alohida o‘tkaziladigan tender asosida tanlangan tijorat banki tomonidan amalga oshiriladi;
pensiya va nafaqalar yetkazilganligi uchun xizmat haqini to‘lash uchun fuqarolarning har oylik pensiya va nafaqa miqdoriga qo‘shimcha 1 foiz ustama joriy qilinadi hamda to‘lovlarni naqd pulsiz shaklda olish yoki arzonroq xizmatdan foydalanish hisobiga iqtisod qilingan mablag‘ pensiya va nafaqa oluvchining ihtiyorida qoldiriladi; pensiya va nafaqa oluvchilarga O‘zbekiston Respublikasi hududida shaxsini tasdiqlaydigan, egasining shaxsiy biografik ma’lumotlari qayd etilgan, elektron tashuvchi qurilmaga (chipga) ega bo‘lgan bank kartasi sifatida foydalanish imkoniyati mavjud maxsus pensiya kartasi joriy etiladi.
Davlat pensiya ta’minoti borasida ko‘rsatilayotgan xizmatlar sifatini zamon talablariga muvofiqlashtirish maqsadida Pensiya jamg‘armasining tashkiliy tuzilmasi qaytadan tanqidiy ko‘rib chiqiladi.
“Davlat pensiyalarini tayinlash va to‘lash tartibi to‘g‘risidagi nizomga
16-ILOVA
________________________
O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi
Fuqaro ___________________________________________________________________dan
(F.I.O.)
Yashash joyi __________________________________________________________________
Telefon raqami ______________________________
ARIZA
Menga tayinlangan pensiya, nafaqa, oylik kompensatsiya va boshqa to‘lovlarni (keraklisining tagiga chizilsin) 20___ yil ______________oyidan 20___ yil ___________ oyigacha qonun hujjatlariga amal qilgan holda oylik summaning ____ % pensiyani yetkazib berish (topshirish) yuklangan tashkilot orqali naqd pul shaklida, ____% tijorat banki filialiga (bank plastik kartochkasi, jismoniy shaxsning omonat hisobvarag‘i) (keraklisining tagiga chizilsin) o‘tkazib berishingizni so‘rayman. O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi ___________________ tumani (shahar) bo‘limini ishga kirish yoki mehnat shartnomasini bekor qilish, oila a’zolari tarkibi, yashash joyi o‘zgarganligi kabi o‘zgarishlar sodir bo‘lganda o‘z vaqtida xabardor qilish hamda bank plastik kartochkasi yoki jismoniy shaxsning omonat hisobvarag‘i orqali to‘lov amalga oshirilganda har olti oyda Pensiya jamg‘armasi bo‘limiga kelish yo‘li bilan pensiya olishga huquqimni tasdiqlash majburiyatini olaman. Pensiya va nafaqa olishga huquqimni tasdiqlash uchun Pensiya jamg‘armasiga kelmasam, to‘lov shaklini tanlash bo‘yicha yozma ariza bilan murojaat qilgunimga qadar to‘lovni to‘xtatib turishingizni so‘rayman.
Arizaga quyidagilarni ilova qilaman:
1.Pasport nusxasi.
2. Tijorat bankining bank plastik kartochkasi bo‘yicha hisobvaraq yoki jismoniy shaxsning omonat hisobvarag‘i ochilganligi to‘g‘risidagi ma’lumotnomasi va Bank hamda mijoz o‘rtasida tuzilgan shartnomaning nusxasi.
