Muqaddas ayol

Keling dugonajon,
Ozodalikni odat qilib, sarishtalikni o’zimizga shior qilaylik!

MAVZu:“NOZIK, ZARUR MAVZU”

“Bir orzum bor, yo’qdir boshqa ilinj, g’am,
Olloh berarmikan shuni so’rasam:
Egnimga bir hikmat, bir libos bersa,
Boshimga hikmatdan ro’mol o’rasam.”
(To’rtlik. H.Xudoyberdiyeva)

Hayo va iboning tashqi ko’rinishi – kiyim, degan gap bor. Qadriyatlarimiz o’zimizga qaytgan qutlug’ davrda yashayapmiz. Qizlar tarbiyasiga odob-u iffatni singdirish harakatini avvalo oiladan, ta’lim muassasalaridan, mahallalardan boshlash kerak. O’zbek ayoli o’tmishimizda zukko, jasur va yo’lboshchi bo’lganlar. O’z g’ayrat va salohiyati, bilimi, hayosi bilan mehr-u hurmatga sazovor bo’lganlar. Ular har qanday sharoitda ham hayo va odob doirasidan chetga chiqmaganlar. Bunday ayollar tarbiyasini olgan qizlarimiz nazokatli, sadoqatli, andishali bo’lib voyaga yrtganlar. Nomus – o’limdan kuchli, degan naqlga amal qilishgan.

Afsuski, G’arbga ergashish, taqlid qilish tufaylimi ba’zi ota-onalarning nomus, hayo tushunchalariga biroz beparvo qarayotgani sababli chiroyli urf-odatlarimizning ayrimlari unutilmoqda. Ba’zi qizlarning uyda otasi, aka-ukalari oldida, ko’chada begona erkaklar oldida ochiq-sochiq yurishga odatlanib qolishdi. Bunday qizlarimizning o’zini biroz qo’yib yuborayotgani, ayniqsa, turmushga chiqqan paytda, boshqa bir oilaga borganida bilinib qolyapti.

“Orasta qizlar” to’garagining mazkur mashg’uloti ota-onalar va qizlarimiz uchun bo’lib, unda psixologlar ishtirokidagi mazkur masala yuzasadan baxsga chorlaymiz.


Bu juda nozik mavzu va zarur masala. Ayni chog’da juda dolzarb va zarurdir.


MAVZU: “REPRODUKTIV SALOMATLIK NIMA?”

(“Yosh oila quruvchilar maktabi”)

Bu suhmatimiz davomida fertillik, bo’lajak ona bo’lishga tayyorlanish, o’z sog’lig’imizni asrash haqida sirlashamiz. Fertillik bu insonning zurriyot qoldirishga layoqatidir. Kelajakda baxtli ona bo’lish uchun esa, o’z sog’lig’imizni bugundan asrashimiz lozim. Bu borada, to’g’ri ovqatlanishga, kiyinish madaniyatiga (to’g’ri kiyinish) alohida e’tibor berishimiz lozim. Sog’liq masalasida esa, hammaning maslaxatiga emas, balki, aynan shifokor maslaxatiga quloq tutish, buning uchun esa, vaqtida shifokorga murojaat etish katta ahamiyatga egadir. Ruhshunoslar ta’kidlashicha, o’smirlik davri “inqiloblar davri” deb ham yuritiladi. Chindan ham bu davrda shunday o’zgarishlar ro’y beradiki, bu ota-onalarni shuinchaki bezovta qilib qolmasdan, ko’pincha havotirga ham soladi. Aslida bu tabiiy holatdir.