Muqaddas ayol

Keling dugonajon,
Kelajak haqida ham o’ylab ko’raylik.

MAVZU:“Kasbim-faxrim”

“O’qib o’rganilgan har bitta hunar
Hunarmandga bir kun foyda keltirar”
(Nizomiy Ganjaviy)

Donishmandlar behunar kishini “qanotsiz qush” deb nomlaganlar. Ya’ni qushning parvozi uchun qanot bo’lishi shart. Hunar ham barcha ishlarda kishi uchun zarurdir. Qudratli podsholar va shon-shavkatki ulug’ kishilar ham, mol-u ne’matlari yer kurrasini qoplaydigan darajada ko’p bo’lsa ham, o’z farzandlarini kasb-u kamol va qobiliyatga targ’ib qiladilar. Demak, oddiy xalq hunar o’rganishni o’z farovonligining va maishatining asosiy sharti deb bilishlari zarur, balki majburdir.

Haqiqatan ham, hunar mehribon do’st,cshavqatli yor va fayz yetkazuvchi bir chopag’on otdirki, u o’z chavandozini tezgina rohat va e’tibor manziliga yetkazadi va shunday himoyachidirki, o’ sohibini tama’ olovidan qutqarib, omonda saqlaydi.





Keling dugonajon,
o’z kasbimiz haqida, pedagoglik kasbi egasining xulq-atvori haqida fikr almashamiz.

MAVZU: “OMAD KALITI QAYERDA?”

“…Men tug’ilib yashabmanki to,
Xil-xil ohang tinglab turibman.
Kuyim topsam yangragay dunyo,
Shu kuyimni izlab yuribman…”
(“Umrim lahza” H.Xudoyberdiyeva)
Hayotda o’z o’rnini topgan, bekam-u ko’st yashayotgan kishilarni ko’rganimizda, beihtiyor ko’nglimizdan, shu odamning omadi chopgan-da, degan o’y o’tadi.
Omad o’zi nima?
Uning qachon kelishini oldindan bilib bo’ladimi? Bugun baxti bekam bo’lib yashyotganlar omad kalitini qo’lga kiritgan kishilarmi? Yoki omad degani odamlar o’ylab topgan hayoliy baxt-iqbolmi? Omad kalitini topsa bo’ladimi? Balki o’sha omad sabr va qanoat ortiga yashiringandir.
Agar bir inson astoydil mehnat qilsa, topgan halol risqiga qanoatli bo’lib, ertangi kunga intilsa, omad o’sha odam bilan birga yurar.
Oila tinchligi, farzandlarning qobilligi, mehr qo’ygan kasbning borligi, ertalab uyg’onish bilan odamlarga kerakliligini his qilish o’zi omaddir.

Qadrli dugonajon! Omad kaliti borasidagi ayrim fikrlarni keltirdik xalos. Bu fikrlar dengizdan bir tomchi, xalos. Nima deb o’ylaysiz, omad nima o’zi? Omad kalitini qayerdan toppish mumkin?