Muqaddas ayol

Baxsimizga qo’shiling.
Shunday jannatmakon yurt – O’zbekistonda tug’ilib yashayotganimizning o’zi omaddir. Tinimsiz o’qib-o’rganish, sabr-toqat bilan mehnat qilish va hayotdan ezgulik qidirish orqaligina omad kalitini qo’lga kiritish mumkindir.
MAVZU: “SUYUKLI BO’LAY DESANGIZ…”
“…Bulutsiz tonglardan bo’larmu kechib,
Unut bo’larmu hech yarqiragan kun?!
Biz istamay yoshlik libosin yechib,
Balog’at libosin kiyamiz bugun…”
( “Dugonaginam” H.Xudoyberdiyeva)

Bo’yiga yetgan qiz o’z oilasi bag’ridan chiqib, boshqa xonadonga qadam qo’yar ekan, albatta, baxtli yashayman, deb orzu qiladi. Yosh kelinchaklarni yangi o’tkazilgan niholga qiyoslashadi. Yangi oilaga kelgan har bir kelinchak shu oilani o’z oilam, o’z uyim deb biladi. Har bir tongni quvonch bilan kutib oladigan suluv, hayoli, iboli, latofatli, andishali kelinchaklar har qanday qaynonaning ko’ngliga yo’l topa oladi. Bir olam orzu-umidlar bilan kelin tushirgan qaynona har doim o’z farzandining uyi mustahkam bo’lishini istaydi, o’z bolalariga yomonlikni ravo ko’rmaydi. Lekin baribir, yangi niholning o’zga tuproqda ildiz otib ketishi oson kechmaydi.

Sharqda oila har doim muqaddas hisoblangan va hozir ham bunga amal qilinmoqda. Bugun o’zining beg’ubor tabassumi bilan butun olamga quvonch ulashayotgan jonajon qizaloq ertaga kelinchak bo’ladi. Oilada jamiyat ulg’aymoqda. Mana shu jamiyat a’zolarining ma’naviy barkamol, sog’lom bo’lib voyaga yetishi
aziz-u mo’tabar onaxonlarimizning, dilbar-u lobar kelinchaklarimizning but iymoni, sobit e’tiqodiga bog’liq.

Dugonajon, buni palaxmon toshga qiyoslashadi. Xudo hohlasa erta-indin biz ham bir xonadonning suyukli kelini bo’lamiz. Shunda “Orasta qizlar” to’garagida bo’lib o’tadigan bugungi mashg’ulotimiz mehribon onaxonlar va ibratli kelinlardan olgan sabog’ingiz azqotadi degan umiddamiz.
Sizni kutamiz azizlar!

MAVZU: “Kamollik ostonasida”

“Inson umri g’oyat qisqadir,
Mangulikka qiyosan lahza.
Shu umrni qilay deb qadr,
Solgim kelar ko’nglimga larza…”
( “Umrim lahza” H.Xudoyberdiyeva)
Har bir qiz o’sib-unib kamolga yetadiki, o’z orzulari parvoziga shaylanadi. O’qib, bilim olib hayotni o’rganadi. Ularning biror kasbni egallashi davr talabidir. Hukumatimiz tomonidan yoshlarga yuksak e’tibor berilmoqda. Kundan-kunga akademik-litseylar va kasb-hunar kollejlari nufuzi ortib bormoqda.
Ulg’ayar ekansiz… oldingizda kim bo’lsam ekan, qanday kasb egasi bo’laman, degan savol turibdi. Dunyoda bir muqaddas kasb bor. Ular umri davomida juda ko’p guldastalar oladilar. Hayotining har bir kuni egulik, savob bilan o’tadi. Ularning shodliklari, quvonchlari o’quvchilari – shu kichkintoylar bilan bog’liq, umidlarga tola jajji yuraklarning hayajoniga hamohang. Ular – o’qituvchilardir.
Toshkent viloyati pedagogika kollejiga o’qishga kelsangiz ana shu muqaddas kasb egasi bo’lasiz.