N. Hakimov, E. Abdullayev, F. Halimov, A. Xamidova umurtqasizlar zoologiyasidan amaliy mashg’ulotlar

Mashg’ulot maqsadi: Ildizoyoqlilarning turli guruhlariga mansub bir hujayralilarning tuzilishi, harakatlanishi va hayot kechirish tarzining turli-tumanliligini o’rganish. Ularning soxtaoyoqlarining o’zgarib turishi va funksiyalari.

Mashg’ulot uslubi: Ildizoyoqlilarning turli guruhlarini aks ettiruvchi rangli jadvallar demonstrasiyasi, talabalarni aktiv faoliyatga jalb qilish, mikropreparatlar tayyorlash, savol-javob orqali talabalar bilimini baholash.

Kerakli jihozlar: O’quv-uslubiy qo’llanmalar, mikroskoplar, amyoba, arsella va foraminiferalarning tayyor mikropreparatlari, dengiz tubi qumi, tirik amyoba va arsellaning suvli namunalari, rangli jadvallar, buyum va qoplag’ich shishalar, tomizgichlar, filtr qog’ozi, salfetkalar.