O zbekiston respublikasi maktabgacha talim vazirining

§. Maktabgacha ta'lim vazirligi Ichki audit, moliyaviy va huquqiy nazorat xizmat boshlig‘i o‘rinbosari lavozimining malaka tavsiflari

Tartib raqami	1190/1672
Mashg‘ulotlarning milliy standart klassifikatori bo‘yicha kodi	1324/1324
Xodimlar toifasi	Boshqaruv

1. 
   Lavozim vazifalari:
   

-.O‘zbekiston Respublikasi Qonunlari, O‘zbekiston Respublikasi Prezidentining farmon, qaror va farmoyishlari, Hukumatning qaror va farmoyishlarini, davlat dasturlari asosida qabul qilingan vazirlikning hay'at qarorlari, buyruqlari, dasturlari va boshqa hujjatlarda vazirlik rahbariyati tomonidan xizmatga berilgan tegishli topshiriqlar ijrosini to‘liq bajarilishini ta'minlash;
-vazirlikning hay'at, ishlab chiqarish yig‘ilishlariga, vazirga xizmat faoliyati doirasidagi masalalar bo‘yicha ma'lumotlar, hisobotlar tayyorlash;
-ichki audit tomonidan vazirlik tizimiga kiruvchi tashkilotlarda amalga oshiriladigan nazorat ishlarini O‘zbekiston Respublikasining qonun va qonunosti hujjatlariga hamda o‘zining Nizomiga muvofiq amalga oshiradi va tashkil etadi;
-vazirlik tizimiga kiruvchi tashkilotlarda qonun va qonun osti hujjatlariga amal qilinishi, budjet mablag‘larining noqonuniy sarflanishi va talon-taroj qilinishi holatlarini profilaktikasini ta'minlash va ularni oldini olish hamda aniqlash;
-davlat siriga kiritilgan ma'lumotlar va maxfiy axborot bilan ishlashda qonun hujjatlari talablariga rioya qilish;
-qonunni buzish holatlarini, ularni sodir etishga imkoniyat yaratuvchi sabablar va shart sharoitlarni bartarafetish to‘g‘risida quyi tashkilotlarga bajarilishi majburiy bo‘lgan ko‘rsatmalar kiritish;
-nazorat oby'ektlari xodimlari tarkibini mustahkamlash masalalari bo‘yicha tavsiyalar berish;
-tizimga oid normativ-huquqiy hujjat loyihalarini ishlab chiqish bo‘yicha taklif berish;
-“Maxfiy” va “o‘ta maxfiy” belgili hujjatlarni bajarish;
-hisobotlarni vakolatli organlar oldida himoya qilish;
-kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2. 
   Bilishi lozim:
   

-maktabgacha ta'lim tizimida nazoratni amalga oshirishni tartibga soluvchi normativ huquqiy hujjatlarni;
-maktabgacha ta'lim tizimini tashkil etish va boshqarishga tegishli normativ huquqiy hujjatlarni;
-tizimda moliya-buxgalteriya sohasini tartibga soluvchi normativ huquqiy hujjatlarni;
-jamoada sog‘lom ma'naviy muhitni shakllantirish, ahillik va inoqlikni mustahkamlash bo‘yicha faoliyat yuritishni;
-kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalarini.

3. 
   Malaka talablari:
   

—o‘z yo‘nalishi bo‘yicha bakalavr darajasidagi iqtisodiy ma'lumot;
-xorijiy tillardan birining boshlang‘ich bosqichini va axborot-kommunikatsiya texnologiyalaridan foydalanishni bilishi;
—o‘z mutaxassisligi bo‘yicha besh yildan kam bo‘lmagan staj yoki ta'lim va boshqa soha boshqaruvorganlarida o‘zyo‘nalishibo‘yichauchyildankambo‘lmagan ish staji.
O‘zbekiston Respublikasining “Buxgalteriya hisobi to‘g‘risida”gi Qonunining 12-moddasiga muvofiq belgilangan tartibda muomalaga layoqatsiz yoki muomala layoqati cheklangan deb topilgan, shuningdek qasddan sodir etilgan jinoyat uchun sudlanganlik holati tugallanmagan yoki sudlanganligi olib tashlanmagan shaxs buxgalteriya hisobi xizmatining rahbari bo‘lishi mumkin emas.
Shuningdek, O‘zbekiston Respublikasining “Maktabgacha ta'lim va tarbiya to‘g‘risida”gi Qonunining 44-moddasiga muvofiq Maktabgacha ta'lim va tarbiya tizimida mehnat faoliyatini amalga oshirishga quyidagi cheklovlar belgilab berilgan.
Muomalaga layoqatsiz yoki muomala layoqati cheklangan deb topilgan, pedagogik faoliyatni amalga oshirishga to‘sqinlik qiladigan kasalliklari yoki jismoniy nuqsonlari bo‘lgan shaxslar, shuningdek qasddan jinoyatlar sodir etganligi uchun ilgari hukm qilingan shaxslar maktabgacha ta'lim tashkilotlarida pedagogik faoliyat bilan shug‘ullanishi mumkin emas.
Ilgari o‘zining aybli harakatlari sababli mehnat shartnomasi tugatilgan shaxslar, shuningdek qo‘llanilgan jazo chorasidan, sudlanganligi holati tugatilganligidan yoki olib tashlanganligidan hamda o‘ziga nisbatan amnistiya yoki afv etish akti qo‘llanilganligidan qat'i nazar, qasddan sodir etilgan jinoyatlar uchun ilgari hukm qilingan shaxslar, jinoyat ishlari aybdorligi to‘g‘risidagi masala hal etilmagan holda tugatilgan jinoyatlar sodir etgan shaxslar maktabgacha ta'lim va tarbiya tizimi organlari va tashkilotlarining rahbarlik lavozimlariga tayinlanishi mumkin emas.

100.