Odil sudlov. Huquq-tartibotni muhofaza qilish. Adliya / Ijro ish yurituvi]

182-modda. Jazo bilan birga tayinlangan tibbiy yo‘sindagi majburlov choralarini qo‘llash tartibi
(182-moddaning nomi O‘zbekiston Respublikasining 2019-yil 12-sentabrdagi O‘RQ-567-sonli Qonuni tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Alkogolizm, giyohvandlik yoki zaharvandlikka yo‘liqqan mahkumlarga nisbatan tibbiy yo‘sindagi majburlov choralari quyidagi tartibda qo‘llaniladi:
jamiyatdan batamom ajratib qo‘yish bilan bog‘liq bo‘lmagan jazolarga hukm qilingan shaxslarga — sog‘liqni saqlash organlarining tibbiy muassasalari tomonidan umumiy asoslarda;
Oldingi tahrirga qarang.
ozodlikdan mahrum etish tariqasidagi jazoga hukm qilingan shaxslarga — jazoni o‘tash joyida, ozod etilganlaridan so‘ng davolashni davom ettirish zarurati bo‘lganda esa — sog‘liqni saqlash organlarining tibbiy muassasalari tomonidan umumiy asoslarda.
(182-moddaning uchinchi xatboshisi O‘zbekiston Respublikasining 2017-yil 29-martdagi O‘RQ-421-son Qonuni tahririda — O‘R QHT, 2017-y., 13-son, 194-modda)
LexUZ sharhi
Qarang: O‘zbekiston Respublikasi Jinoyat kodeksining 96-moddasi, O‘zbekiston Respublikasi Vazirlar Mahkamasi 1993-yil 1-maydagi 195-sonli qarori bilan tasdiqlangan “Surunkali alkogolizm yoki giyohvandlikka mubtalo bo‘lgan bemorlarni majburiy davolash uchun ixtisoslashtirilgan davolash-profilaktika muassasalari to‘g‘risida”gi nizom.
Oldingi tahrirga qarang.
Ruhiy holati aqli rasolikni istisno etmaydigan tarzda buzilgan mahkumlarga nisbatan tibbiy yo‘sindagi majburlov choralari quyidagilarga nisbatan qo‘llaniladi:
jamiyatdan batamom ajratib qo‘yish bilan bog‘liq bo‘lmagan jazo choralariga hukm qilingan shaxslarga nisbatan — sog‘liqni saqlash organlarining tibbiy muassasalari tomonidan;
ozodlikdan mahrum etish tariqasidagi jazoga hukm qilingan shaxslarga nisbatan — jazoni o‘tash joyida, ozod etilganidan keyin davolashni davom ettirish zarur bo‘lganda esa, sog‘liqni saqlash organlarining tibbiy muassasalari tomonidan umumiy asoslarda.
(182-modda O‘zbekiston Respublikasining 2019-yil 12-sentabrdagi O‘RQ-567-sonli Qonuniga asosan ikkinchi qism bilan to‘ldirilgan — Qonun hujjatlari ma’lumotlari milliy bazasi, 13.09.2019-y., 03/19/567/3737-son)