Odil sudlov. Huquq-tartibotni muhofaza qilish. Adliya / Ijro ish yurituvi]

179-modda. Sinov muddatini hisoblash
Oldingi tahrirga qarang.
Sinov muddati hukm chiqarilgan kundan boshlab hisoblanadi.
(179-modda matni O‘zbekiston Respublikasining 2007-yil 24-sentabrdagi O‘RQ-115-sonli Qonuni tahririda — O‘R QHT, 2007-y., 39-son, 401-modda)
180-modda. Shartli hukm qilingan shaxs xulq-atvori ustidan nazoratni tugatish
Shartli hukm qilingan shaxs xulq-atvori ustidan nazorat sinov muddati tamom bo‘lishi bilan tugatiladi va mahkum jazolarni ijro etish inspeksiyasi yoki harbiy qism (muassasa) qo‘mondonligi ro‘yxatidan chiqariladi.
[OKOZ:
1.16.00.00.00 Xavfsizlik va huquq tartibot muhofazasi / 16.13.00.00 Jinoyat-ijroiya qonunchiligi / 16.13.15.00 Tibbiy yo‘sindagi majburlov choralarini ijro etish]
33-BOB. TIBBIY YO‘SINDAGI MAJBURLOV ChORALARINI IJRO ETISh
LexUZ sharhi
Qarang: “Ozodlikdan mahrum etishga hukm qilingan, alkogolizm, giyohvandlik va zaharvandlikka yo‘liqqan shaxslarga nisbatan tibbiy yo‘sindagi majburlov choralarini qo‘llash tartibi to‘g‘risidagi”gi nizom (ro‘yxat raqami 2591, 03.06.2014-y.).
Oldingi tahrirga qarang.
181-modda. Ruhiy holati buzilgan shaxslarga nisbatan tibbiy yo‘sindagi majburlov choralarini qo‘llash tartibi
Ruhiy holati buzilgan shaxslarga nisbatan tibbiy yo‘sindagi majburlov choralari sog‘liqni saqlash organlari tomonidan sud-psixiatriya ekspertizasi xulosasiga muvofiq quyidagi tartibda qo‘llaniladi:
majburiy ambulatoriya kuzatuvida bo‘lish va davolanish ruhiy holati buzilgan shaxsning yashash joyi bo‘yicha ruhiy-asab kasalliklari dispanserida (tuman (shahar) psixiatrining xonasida) amalga oshiriladi;
ruhiy holati buzilgan shaxsni jamiyatdan batamom ajratib majburiy davolash, uning ruhiy holatiga qarab, umumiy tartibli psixiatriya muassasasining umumiy kuzatiladigan bo‘limida yoki umumiy tartibli psixiatriya muassasasining maxsus reabilitatsiya bo‘limida yoxud kuzatuv kuchaytirilgan ruhiy kasalliklar shifoxonasida amalga oshiriladi.
(181-modda O‘zbekiston Respublikasining 2019-yil 12-sentabrdagi O‘RQ-567-sonli Qonuni tahririda — Qonun hujjatlari ma’lumotlari milliy bazasi, 13.09.2019-y., 03/19/567/3737-son)
Oldingi tahrirga qarang.