Oksidlar. 3-tajriba. Sulfit angidridning olinishi eslatma

1-tajriba. Qalay va qo'rgoshinning havoda oksidlanishi. a). Qo'rgoshin bo’lakchasini pichoq bilan kesing. Metallning kesilgan joyidagi yaltiroq qismi xiralashishini kuzating. b). Bir bo’lak qo'rgoshinni temir qoshiqqa solib, payvandlash gorelkasi alangasida eriting. Qo'rgoshin oksid hosil bo’lishini kuzating. v).Bir bo’lak qalayni temir qoshiqchaga kavsharlash gorelkasining alangasida qizdiring. SnO2 hosil bo’lishini kuzating.

1-tajriba. Natriy va kaliy peroksidning olinishi. (murili shkafda bajariladi).

No’xat kattaligidagi natriy va kaliy bulakchasini filtr qog’oz orasida quritib, chinni tigelga soling. Tigelni uchburchak shaklidagi chinni taglikka joylashtirib, natriy alangalanguncha qizdiriladi. Natriy yona boshlagach gorelkani o'chiring. Natriy yonib bo'lgandan keyin hosil bo’lgan mahsulotni sovutib, 2-3 ml suvda eriting. Bunda natriy peroksid hosil bo’lganligini isbotlash uchun eritmani ikkita probirkaga bo’ling birinchi probirkada ozroq marganes (IV)- oksid soling. Kislorod ajralib chiqishini probirkada uchi cho’g'langan cho’p tushurish bilan isbotlang. Ikkinchi probirkada 2-3 tomchi kaliy yodid KJ eritmasidan tomizing. yod ajralganligi uchun eritma sariq rangga kiradi. Agar sariq rang sezilarli bo’lmasa, eritmaga kraxmal eritmasi solish bilan yod borligini isbotlang. Kuzatilgan hodisalarni reaksiya tenglamasini yozib tushuntiring.