Олабўжи романдан катта хикоя

айтиб юборишигаям оз қолган, аммо Ултон унга егудек бўлиб қараб: 
“Тўқлибой Қўчқоровдан билиб оласиз!” деганидан кейин... 
Чол: “Ундай одамлар бош қўшган ишнинг охириям яхши бўлади. 
Уларнинг дидиям, фаросатиям аъло!” деган эди. 
– Биламан, – деди Ултон. – Энди, ҳозир нима, қилмоқчисиз? 
– Ҳозир борамиз Кенжабойнинг уйига. – Отасининг овозидан 
ёқимли титроқни пайқаган Ултон чол бу кунларни... жуда интизорлик 
ила кутганига яна амин бўлди. Муни қара-я, – давом этди қария товуши 
баттар олиниб. – Кенжабой иков... омон қолсак, Олатоғда тўй қиламиз, 
бир-биримизга чопон ёпиб, қайтабошдан дўст бўламиз, дер эдик... Энди 
насиб этиб турганини қара... 
– У киши яхши одамми? – отасининг кўнгли учун сўради Ултон: 
майли, мақтасин. 
– Ў-ў, баҳоси йўқ! – хитоб қилди қария. – Ниҳоятда ҳалол, танти... – 
Сўнг тағин томоғини қирди. – Сени кўрипти, улим. Ҳа... Ўртоқ 

---

217 
Қўчқоров жуда дангал гапирадилар-да! Кенжабой идорага кириши 
билан унга: “Айтинг, қизингизни шу чўпоннинг ўғлига берасизми, 
йўқми?” дедилар. Кенжабой бўлса: “Бир эмас, ўн қизим бўлсаям, 
бердим!” деб юборди...
е
 
– Нима, қизи отасига айтганми... гап шундай деб? 
– Йўғ-е. 
– Ота, мен... яна нималар қилай? – сўради Ултон ва қарағай остида 
иршайиб турган Набини кўрди (хайрият, пулни киссасига солган, 
йўғасам уяларди). 
– Янами? – Чол эчки соқолини сийпаб ўйга толди. – Эртага кўп 
ишлар бирёқли бўлади... Сапхўз актипларидан беш-тўрт кишини уйга 
айтамиз. Бу ердан ўртоқ Эгамқулова боради... Ҳа, сенга ёқмайдими у 
хотин? Барибир раҳбар. 
– Бу кеча уйга борасизми?