O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Ushbu moddaning tarkibi
Obekti – Bojxonaga doir qonun hujjatlari bilan tartibga solinadigan ijtimoiy munosabatlar;
Obektiv tomon-Ushbu huquqbuzarlik harakatsizlik oqibatida sodir etiladi.
Avariya yoki yengib bo‘lmas kuch ta'siri yoxud tovarlarni tayin qilingan joyga tashishga to‘sqinlik qiladigan boshqa vaziyatlar oqibatida tashuvchi:
tovarning, transport vositasining butligini saqlash va ulardan foydalanilishiga yo‘l qo‘ymaslik uchun zarur chora-tadbirlarni ko‘rishi;
eng yaqin bojxona organiga tegishli vaziyatlar, tovarning va transport vositasining turgan joyi to‘g‘risida darhol xabar berishi;
tovarlarni eng yaqin bojxona organiga yoki bojxona organi ko‘rsatgan boshqa joyga olib borishi yoxud, agar uning transport vositasi buzilgan bo‘lsa, olib borilishini ta'minlashi shart. (BK 224-m)
Subekti-16 yoshga to‘lgan aqli raso tovarlarni tashishni majburiyat asosida o‘z bo‘yniga olgan jismoniy shaxs.
Subektiv tomon-Ushbu huquqbuzarlik qasddan sodir etiladi.


Ushbu moddada qo‘llanilgan tushunchalar
tashuvchi — bojxona nazorati ostida turgan tovarlar tashilishini amalga oshiruvchi yoki transport vositasidan foydalanish uchun mas'ul shaxs;
tovarlarni va (yoki) transport vositalarini bojxona chegarasi orqali olib o‘tish — tovarlarni va (yoki) transport vositalarini bojxona hududiga olib kirish yoxud ushbu hududdan olib chiqish
yuk operatsiyalari — bojxona nazorati ostida turgan tovarlarni va (yoki) transport vositalarini tashish, yuklash, tushirish, qayta yuklash, ularning buzilgan o‘rovlarini to‘g‘rilash, ularni o‘rash, qayta o‘rash va tashish uchun qabul qilish;
bojxona tartib-taomili — bojxona maqsadlari uchun amalga oshiriladigan bojxona operatsiyalarining majmui;
227³-modda. Tovarlar va transport vositalarini yetkazib berilgan joyda ko‘rsatmaslik hamda ularning hujjatlarini topshirmaslik
Tovarlar va transport vositalarini yetkazib berilgan joyda O‘zbekiston Respublikasi Bojxona kodeksining 218-moddasida nazarda tutilgan muddatda bojxona organlariga ko‘rsatmaslik hamda ularning hujjatlarini topshirmaslik, —
fuqarolarga eng kam ish haqining ikki baravaridan besh baravarigacha, mansabdor shaxslarga esa — uch baravaridan yetti baravarigacha miqdorda jarima solishga sabab bo‘ladi.