O’zbekiston respublikasi mudofaa vazirligi oliy va o‘rta maxsus ta’lim vazirligi nizomiy nomidagi toshkent davlat pedagogika universiteti harbiy ta’lim fakulteti himoyaga tavsiya etilsin

2.2. Qidiruv o’tkazishda tayinlangan guruxlarning xarakatlari
Qidiruv o‘tkazish uchun quyidagi jangovar tartib tuziladi:
-hamla (qo‘lga olish) qilish kichik guruhi;
-o‘t bilan ta’minlash kichik guruhi;
-to‘siqlarda yo‘lak ochish kichik guruhi.
Hamla (qo‘lga olish) qilish kichik guruhi-dushmanning asirini, hujjatlarini, yangi qurol-aslaha va texnikasini qo‘lga olish uchun mo‘ljallangan.
Uning tarkibida yakka kurash usullarini yaxshi biladigan, jismonan chiniqqan, jasur, chaqqon, dushmanga shovqinsiz hamla qila oladigan harbiy xizmatchilardan tayinlanadi. Razvedkachilar tovush chiqarmaydigan avtomat, pistolet va mergan miltig‘i, qo‘l granatasi hamda pichoq bilan qurollanadilar. Tarkibdagi harbiy xizmatchilarning soni qidiruv ob’ektining xususiyati va masofasiga bog‘liq bo‘lib guruhning yarimini tashkil etadi.
O‘t bilan ta’minlash kichik guruhning-vazifasi hamla qilish (qo‘lga olish) kichik guruhini panalash va zarurat to‘g‘ilganda o‘t bilan qo‘llab quvvatlashdan iborat.
Uning tarkibida mo‘ljalga bexato otadigan pulemyotchi, mergan va avtomatchi o‘qchilar hamda uzoq masofada granata uloqtira oladigan harbiy xizmatchilardan tayinlanadi. Qurol-aslahasi avtomat, merganlar miltig‘i, pulemyot, qo‘l granatasi va vazifani bajarib bo‘lgandan so‘ng chekinishni ta’minlaydigan tutunlardan mavjud.
To‘siqlarda yo‘lak ochish kichik guruhi qidiruv ob’ektiga yo‘llarni ochish va to‘siqlardan o‘tish joyini panalash uchun tayinlanadi.
Uning tarkibiga sapyorlar va maxsus tayyorlangan razvedkachilar mina izlagich hamda simlarni kesadigan nayza–pichoq bilan qurollanganlar kiradi.
Agar dushman tomonidan razvedkachilar oshkor etilsa ularning harakatini va chekinishini artilleriya, minomyot va pulemyot o‘tlari panalaydi. Ushbu maqsadda jalb qilayotgan vositalarning miqdori dushmanning o‘t ochish nuqtalariga bog‘liq bo‘lib guruh harakat qilinayotgan hudud miqiyosida qo‘zg‘almas to‘suvchi o‘t turini qo‘llaydi.
Qidiruv o‘tkazish uchun vazifani joyda shaxsan guruh (otryad) komandiriga qo‘yiladi. Vazifani guruhni bevosita tayyorgarligiga javob beradigan ofitser yoki shaxsan qism komandiri qo‘yadi.