O‘zbekiston respublikasi mudofaa vazirligi

Jangovar ta’minot - razvedka, qo‘riqlovni, niqoblanish, muhandislik va kimyoviy ta’minotni o‘z ichiga oladi.

Jangda razvedka dushmanlar va tevarak - atrof joylari tug‘risida razvedka ma’lumotlarini o‘z vaqtida bilish maqsadida o‘tkaziladi. Jangda razvedka olib borishning asosiy usuli - bu kuzatishdir. Razvedka organlari va katta komandirlardan, dushman va tevarak atrof joylar tug‘risidagi olingan axborot, barcha ma’lumotlar marshdagi razvedkani asosiy manbaasi hisoblanadi. Jangda yaqin atroflardagi joylar, dushman va u joylashgan erlar tug‘risidagi ma’lumotlar kuzatuv orqali olinishi mumkin. Safar qo‘riqlovi davomida esa dozordagi seksiyadan (tank) olinadi. Guruh komandiri tevarak-atrofni to‘lik aylana bo‘yicha, dushmanni havodan, erdan, Shuningdek vzvod komandiri signallarni ko‘rib turish uchun kuzatuvni tashkil etishga majbur. Kuzatuv shaxsan guruh komandiri tamonidan olib boriladi; har bir jangovar mashinada (tank) esa seksiya (tank) komandiri kuzatadi. Guruh komandiri seksiyalarga (ekipijga) kuzatish sektorini (yo‘nalishini) belgilab beradi. Bundan tashqari vzvod komandiri signallarini ko‘rib turish uchun kuzatuvchi tayinlaydi. Safar qo‘riqlovi tartibida esa dozordagi seksiyani (tank) signallarini kuzatish uchun qo‘shimcha kuzatuvchi tayinlaydi.

Qo‘riqlash ishlari, dushman razvedkasini kirib kelishini oldini olish, qo‘riqlanib borilayotgan bo‘linmalarga to‘satdan bo‘ladigan hujumga yo‘l qo‘ymaslik va bo‘linmalarni hujumga kirishi uchun qulay shart - sharoit yaratish maqsadida tashkil etiladi.

Asosiy kuchlar kolonnasini jang davomida qo‘riqlash, katta komandir buyrug‘iga asosan tashkil etiladi. Guruh alohida kolonna bo‘lib yoki safar qo‘riqlovi tartibida marshni amalga oshirganda, qo‘riqlov ishlari guruh komandirining qaroriga ko‘ra tashkil etiladi. Bunday xolda harakatlanayotgan tomonni kuzatish va qo‘riqlash uchun safar zastavasidan (bosh dozordan) harakatlanayotgan yo‘nalish (xavf

kutilayotgan qanotga yoki yo‘nalishga) tomonga dozor seksiyasi (tank) yuborilishi mumkin. Dozor seksiya bilan oralik masofa kuzatish uchun qulay, o‘t bilan ko‘mak berish imkonini beradigan darajada bo‘lishi kerak. Dushman razvedkasi yoki uni bo‘linmalari hujumini darhol qaytarishni ta’minlash uchun, qurol – yaroqlar doimo jangovar xolatda, ekipajlarda esa birdaniga qo‘llashga tayyor xolda bo‘lishi kerak.