O‘zbekiston respublikasi mudofaa vazirligi

Muhandislik ta’minoti guruhda jangni muvaffaqiyatli o‘tkazish maqsadida va jangovar texnika va shaxsiy tarkibni dushmanlarning barcha talofat yetkazish vositalaridan himoyasini kuchaytirish, yashirish maqsadida tashkil etiladi va amalga oshiriladi.

Safardagi qo‘riqlov tartibida harakatlanganda guruh muhandis - sapyor bo‘linmalari, ba’zida esa muhandislik vositalari bilan kuchaytirilishi mumkin. Guruh o‘z kuchlari bilan texnikasini niqoblashi, buzilgan yo‘llarni aylanib o‘tish uchun o‘tish joyi tayyorlashi yoki marshrut yo‘llaridagi to‘siqlarni olib tashlashi mumkin. Muhandislik ta’minotini ta’minlash bo‘yicha topshiriqlarni bajarish maqsadida, guruh ilgich moslamalar, mina trollari, niqoblash jihozlari, mahalliy materiallardan foydalanadi. Jangni amalga oshirganda kolonna boshida yoki safardagi qo‘riqlov harakatida guruh o‘z kuchlari (dozor seksiya, tank) va berilgan muhandis - sapyor bo‘linmalari kuchlari bilan muhandislik razvedkasini amalga oshiradi.

Guruh komandiri jangda texnik va moddiy ta’minotini, vzvod komandirining qaroriga asosan va katta komandirning ko‘rsatmasi bo‘yicha tashkil etadi. Bunda u quyidagilarni aniqlab oladi: texnik xizmat ko‘rsatish hajmini, uni o‘tkazish vaqti va joyini; yoqilg‘i - moylash vositalarini, sovutuvchi suyuqliklar va boshqa yonilg‘ilarni olish, ularni sarflash me’yori, oziq - ovqat va boshqa anjomlarini tuldirish vaqti va joyini; texnik va moddiy ta’minot bo‘linmalarini marsh davomidagi harakatlanadigan o‘rnini; nosoz jangovar texnikani evakuatsiya (ta’mirlash) qilish tartibini, shaxsiy tarkibni ovqatlanish tartibini.