27
2.2. Gap ustida ishlash.
Gap ustida ishlash.
Fikr
almashish, aloqa-aralashuv gap vositasida amalga
oshiriladi, shuning uchun ham gapni oʻqishga, gap tuzishga, gap mazmunini
aniqlashga, gapni toʻgʻri yozishga oid amaliy bilimlar savod oʻrgatish davridan
boshlab shakllantiriladi.
Oʻquvchilarda nutq, uning ogʻzaki va yozma shaklda boʻlishi,
nutqning
gaplardan hosil boʻlishi va gap haqida amaliy tushuncha darslikdagi mazmunli
rasmlar asosida hosil qilinadi. Buning uchun oʻqituvchi rasm yuzasidan 3-4 soʻzli
savollar tuzib keladi.
Umuman, xat-savod oʻrgatish jarayonida oʻqish va yozuv darslarida gap,
gapning soʻzlardan tuzilishi, gapda soʻzlarning alohida-alohida yozilishi,
gapning
oxiriga mazmuniga qarab nuqta, soʻroq, undov belgisi qoʻyilishi, gapning birinchi
soʻzi bosh harf bilan yozilishi haqida amaliy tushuncha beriladi.
Bu
jarayonda,
avvalo,
“soʻz”
tushunchasi
shakllantiriladi.
Oʻqituvchi
mazmunli rasm asosida hikoya tuzdiradi, hikoyadan bir qancha predmetlar tanlab
olinadi, predmetlar nomi birma-bir soʻraladi.
Bunda har bir aytilayotgan
nom
soʻz
ekanligi taʻkidlanadi. SHu tariqa “soʻz” tushunchasi rasmlar yoki
predmetlarning oʻzi yordamida tushuntiriladi. Bu oʻrinda gapning soʻzlardan
tuzilishi aytib oʻtiladi. “Boʻgʻin” mavzusi oʻtilganda soʻzlarning boʻgʻinlardan
tashkil topishi tushuntirib beriladi.
Oʻyin tarzida olib boriladigan ish turlari oʻquvchilarning lugʻatini boyitish
bilan birga, oʻqishga qiziqish uygʻotadi, imloviy sezgirlikni oshiradi va soʻzning
tovush Savod oʻrgatish jarayonida oʻquvchilar oʻqishga oʻrganish bilan parallel
ravishda yozuvdan ham elementar malaka hosil qiladilar. Dasturga muvofiq
oʻquvchilar yozuvdan quyidagi malakalarni egallashlari lozim:
1. Partada toʻgʻri oʻtirish, daftarni toʻgʻri qoʻyish,
chiziqlarni chamalash,
yozayotganda ruchkadan toʻgʻri foydalanish, hoshiyaga rioya qilish (1-rasm).
28
2. Ish daftari yoki alifbe asosida oʻzbek alifbosidagi barcha katta va kichik
harflarni yozish, shuningdek, harflarni soʻzda bir-biriga bogʻlab yoza olish: bosma
matnni yozma matnga aylantirib yozish.
Grafik malaka,
birinchidan, qoʻl-harakat malakasidir, bu harakat birinchi qarashda
muskul kuchiga asoslanadi. Ikkinchidan, yozuv jarayonida nutqning oʻzlashtirilgan
birligi boʻlgan tovush grafik belgilarga, yaʻni harfga tarjima qilinadi. Bu yozuvga
ongli faoliyat tusini beradi. Yozuvning ongliligi, birinchidan, tovush va harfning
toʻgʻri nisbatini, ikkinchidan, bir qancha grafik va imloviy qoidalarga rioya
qilishni,
uchinchidan, oʻz fikrini, taassurotini, istaklarini ifodalashda yozuv
malakasidan foydalanishni talab qiladi.
SHuni taʻkidlash kerakki, savod oʻrgatish davrida bola harflarni yozishdan oldin
uni qanday shakllantirishni koʻz oldiga keltirib,
fikrlab oladi, baʻzan harf shaklini
havoda “chizadi”, harf namunasini koʻchiradi, tarkibini tahlil qiladi, uni qanday
yozishni oʻzicha sekin gapiradi; oʻqituvchi oʻquvchi yoniga oʻtirib,
ruchkani
toʻgʻri ushlatadi va uning qoʻli bilan harfni yozishni koʻrsatadi yoki oʻzi yozib
tushuntiradi. Bundan tashqari, bola yozuvning texnik tomoniga katta jismoniy
kuch sarflaydi. Savod oʻrgatish oxirida bola bir darsda 20 tacha soʻzni yozishi
mumkin.
Do'stlaringiz bilan baham: