O’zbekiston respublikasi oliy va o’rta maxsus ta’lim vazirligi qarshi davlat universiteti qo’lyozma huquqida udk 51.(076). 62. Suropov Bahodir Maydonovichning korxona hisobotlarini tayyorlash va taqdim etishni avtomatlashtirishda axborot- kommunikatsiya

Dasturdan foydalanishda olingan natijalar tahlili
3.1.	Dasturdan foydalanib tayyorlangan hisobotlarni tahlili………….	62
3.2.	Amaliy dasturdan foydalanishning matematik statistik tahlili……	74
3.3.	Kompyuterda ish bajarish jarayonini tezlashtirish usullari……….	76
	Xulosa va tavsiyalar……………………………………………...	80
	Adabiyotlar ro‘yxati……………………………………………..	82
	Ilovalar

KIRISH

Dissertatsiya mavzusining dolzarbligi. Hozirgi zamon ijtimoiy hayot sohalarida ajoyib kashfiyotlar, murakkab jarayonlar, universal texnologiyalar bilan bog‘liq umumbashariy jarayonlar yuz bermoqda. «O‘zbekiston innovatsion rivojlanish turining hozirgi zamon modeliga o‘tish uchun hamma zarur sharoitlarga ega. Bu model vujudga keltirilgan ilmiy texnikaviy salohiyatidan keng va samarali foydalanishga, fundamental va amaliy fanning yutuqlarini, chuqur ilm talab qiladigan texnologiyalarni amaliyotga keng joriy etishga, yuqori malakali, iqtidorli ilmiy kadrlar sonini ko‘paytirishga asoslanadi. Bu mamlakatimiz jahondagi iqtisodiyotni va sanoatni rivojlangan davlatlar qatoriga kirib borishining zarur sharti va mustahkam poydevori bo‘lib xizmat qiladi» - deb ta’kidlaydilar Prezidentimiz I.A.Karimov.

O‘zbekiston mustaqillikka erishganidan so‘ng axborotlashtirishning shiddat bilan rivojlanishi hisobga olinib, uning qonuniy bazasi mustahkamlandi. Davlatimiz Prezidenti tomonidan qator qonunlar, qarorlar, farmonlar, farmoyishlar qabul qilindi.

Axborotlashtirish sohasidagi asosiy meyoriy-huquqiy hujjatlar tahlil qilinganda, bu sohada O‘zbekiston Respublikasining 10 dan ortiq Qonuni, O‘zbekiston Respublikasi Prezidentining 3 ta Farmoni, O‘zbekiston Respublikasi Prezidenti va O‘zbekiston Respublikasi Vazirlar Mahkamasining 40 dan ortiq qarorlari hamda 1000 ga yaqin sohaga oid meyoriy hujjatlar ishlab chiqilganligini ta’kidlashimiz mumkin(1-ilova).

Xususan, Kompyuterlashtirishni yanada rivojlantirish va axborot-kommunikatsiya texnologiyalarini joriy etish to‘g‘risida (2002 y.), Axborot texnologiyalari sohasida kadrlar tayyorlash texnologiyaini takomillashtirish to‘g‘risida (2005 y.), Zamonaviy axborot-kommunikatsiya texnologiyalarini yanada joriy etish va rivojlantirish chora-tadbirlari to‘g‘risida (21.03.2012y.) Prezidentimizning farmon va qarorlari, Elektron raqamli imzo to‘g‘risida (2003 y.), Axborotlashtirish to‘g‘risida (2003 y.), Elektron hujjat aylanishi to‘g‘risida (2004 y.), Elektron tijorat to‘g‘risida (2004y.), Elektron to‘lovlar to‘g‘risida (2005y.) asosiy qonunlar, Joylarda kompyuterlashtirish va axborot-kommunikatsiya texnologiyalarini yanada rivojlantirish uchun shart-sharoitlar yaratish chora-tadbirlari to‘g‘risidagi (2012 y.), Soliq to‘lovchilarga axborot xizmati ko‘rsatish va davlat soliq xizmati organlarining axborot texnologiyaini yanada takomillashtirish, Vazirlar Mahkamasining Qarorlarini keltirishimiz mumkin.

Vazirlar Mahkamasining “Soliq to‘lovchilarga axborot xizmati ko‘rsatish va davlat soliq xizmati organlarining axborot texnologiyaini yanada takomillashtirish to‘g‘risidagi” qarorida Davlat soliq xizmati organlarining zamonaviy axborot-kommunikatsiya texnologiyalarini qo‘llagan holda soliq to‘lovchilarga axborot xizmatlari ko‘rsatishni yanada takomillashtirish, xo‘jalik yurituvchi subyektlar tomonidan moliyaviy hisobotlar va hisob-kitoblar taqdim etishda elektron hujjat aylanishini joriy etish alohida ko‘rsatib o‘tilgan.

• 
  Axborotlashtirish bo‘yicha xududiy dasturlarga kiritiladigan asosiy bandlarda esa quyidagilar talab etiladi.
  
• 
  Davlat organlari xodimlarining kompyuter texnikasi bilan ta’minlanganligi;
  
• 
  Lokal va korporativ tarmog‘ining tashkil etilganligi;
  
• 
  Internet tarmog‘iga jamoaviy ulanish shahobchalarining tashkil etilganligi;
  
• 
  Elektron hujjat almashinuvi texnologiyalarining joriy etilganligi;
  
• 
  Elektron imzodan foydalanishning yo‘lga qo‘yilganligi;
  
• 
  Axborot xavfsizligi siyosatining ishlab chiqilganligi va joriy etilganligi;
  
• 
  Davlat organi veb-saytining ishlab chiqilganligi, internet tarmog‘iga joylashtirilganligi, uni ma’lumotlar bilan to‘ldirish va yangilab borish yo‘lga qo‘yilganligi;
  
• 
  Yuridik va jismoniy shaxslarga interaktiv davlat xizmatlarini ko‘rsatishni yo‘lga qo‘yilganligi;
  
• 
  Avtomatlashtirishda boshqaruv texnologiyalarining (axborot texnologiyalari) joriy etilganligi va davlat axborot resurslarining shakllantirilganligi;
  
• 
  Rahbar va mas’ul hodimlarning kompyuter savodxonligi bo‘yicha o‘quv kurslarining tashkil etilganligi va xodimlarni AKT bo‘yicha attestatsiyadan o‘tkazish yo‘lga qo‘yilganligi va h.k.
  

Yuqoridagilardan kelib chiqib magistrlik ishining mavzusini “Korxona hisobotlarini tayyorlash va taqdim etishni avtomatlashtirishda axborot-kommunikatsiya texnologiyalardan foydalanish” deb nomladik.