O‘zbekiston respublikasi qishloq xo‘jalik vazirligi

Boshpiyoz. Iste’mol uchun yetkazib beriladigan yangi boshpiyoz standart talabiga javob berishi lozim. Yetilgan 5 sm gacha uzunlikdagn bo‘g‘zi qurigan, shuningdek, umumiy po‘st ostida ikki bo‘lakka ajraladigan sog‘lom boshpiyoz iste’molga yaroqli hisoblanadn. Oval shakldagilarining ko‘ndalang diametri kamida 3 va qolganlariniki 4 sm bo‘lishi kerak, bir partiyada ko‘rsatilgandan kichik o‘lchamli, yalang‘ochlangan va shikastlanganlarining umumiy miqdori 5% gacha bo‘lishiga ruxsat etiladi.
O‘simtali piyozning 1 aprelgacha o‘simtaning uzunligi 1 sm va 1 apreldan 1 avgustgacha esa 2 sm gacha bo‘lganlari 10% gacha bo‘lishi, bo‘g‘zi sentyabrgacha yetarlicha qurilmaganlari (barcha navlar uchun) ko‘pi bilan 15%, 1 sentyabrdan keyin esa 5% bo‘lishiga yo‘l qo‘yiladi.
Sabzi. Xo‘raki sabzi standart talabiga muvofiq to‘shiriladi. Ularning tashqi ko‘rinishi barra, quruq, so‘lish kasalligi va ifloslik belgilari bo‘lmagan, butun, zararkunandalar shikastlamagan, to‘g‘ri shaklli, ma’lum botaniq navga xos rangli, barg bandlari ko‘pi bilan 2 sm bo‘lishi lozim. Eng ko‘p ko‘ndalang diametri yuzasidan eng kichigi 2,5 va eng ko‘pi 6 sm qilib belgilangan.
Mahsulot partiyasida belgilangan o‘lchamlardan 0,5 sm farqli ildizmevalar 10% gacha, turli xil shakldagilari esa 5% dan oshmasligi kerak. Konssrva korxonalariga yetkazib beriladiga’ mahsulot orasida singanlari 2% dan oshishiga, yorilganlari bo‘lishiga ruxsat etilmaydi. Ildizmevalarga yopishgan tuproq esa umumiy massaning 1% dan ko‘p bo‘lmasligi lozim.
Xo‘raki lavlagi. Iste’mol va qayta ishlash uchun foydalaniladigan xo‘raki lavlagi standart talabiga javob berishi lozim. Yangi kovlangan, yaxlit, quruq, kasallik belgilari, loyi, yoriqlari yo‘q, zararkunanda tushmagan, bitta botaniq navga ma’sub, bands’z yoki bandining uzunligi ko‘pi bilan 2 sm, sershira, to‘q qizil etli lavlagi standart talabiga mos keladi.
Ko‘ndalang kesimining diametri 5,0 sm dan 14 sm gacha bo‘lishi mumkin. Mexanik shikastlangan, bitib ketgan yoriqli, boshlari kesikli, sal so‘ligan ildizmevalar 5% dan oshmasligi kerak. So‘ligan, burishgan, shuningdek chirigan, sovuq urgan va zararkunandalar shikastlagan ildizmevalar bo‘lishiga ruxsat etilmaydi. Ildizmevalarga yopishgan tuproq umumiy massaga nisbatan 1% gacha bo‘lishi mumkin.
Gulkaram. Yangi uzilgan gulkaram boshining ko‘ndalang diametri kamida 8 sm bo‘lishi mumkin. Uning tashqi ko‘rinishi miqti, oq yoki sargish barra, toza, kasallanmagan, yorilmagan, ichki barglari ko‘klamagan, qo‘lansa hidsiz, shikastlanmagan, o‘zagi ko‘pi bilan 2 sm bo‘lishi lozim. Bir partiyada shikastlangan karam miqdori 10% va diametri 6-8 sm ligi 5% gacha bo‘lishiga ruxsat etiladi.