O‘zbekiston respublikasi yoshlar ishlari agentligi o‘zbekiston respublikasi oliy va o‘rta-maxsus ta’lim vazirligi o‘zbekiston yoshlar ittifoqi markaziy kengashI

O‘zbekiston Respublikasi Yoshlar ishlari agentligi direktorining o‘rinbosari Toshkent sh. 2021 yil “___” - may ______-son
D.Kattaxanova
O‘zbekiston Respublikasi Oliy va o‘rta maxsus ta’lim vazirining o‘rinbosari Toshkent sh. 2021 yil “___” - may ______-son		Yu.Absoatov
O‘zbekiston yoshlar ittifoqi Markaziy Kengashi raisining o‘rinbosari Toshkent sh. 2021 yil “___” - may ______-son		Sh.Zaynitdinov
O‘zbekiston volontyorlar assotsiatsiyasi rahbari Toshkent sh. 2021 yil “___” - may ______-son		Sh.Abidova

Yoshlar ishlari agentligi, Oliy va o‘rta-maxsus taʼlim vazirligi, O‘zbekiston yoshlar ittifoqi Markaziy Kengashi va O‘zbekiston volontyorlar assotsiatsiyasining 2021-yil “__” - maydagi ________/________/________/________-son qo‘shma qaroriga 1-ilova

Oliy ta’lim muassasalarida volontyorlik markazlarini
tashkil etish bo‘yicha Respublika ishchi guruh
TARKIBI

1.	D.Kattaxanova	O‘zbekiston Respublikasi Yoshlar ishlari agentligi direktorining o‘rinbosari, Respublika ishchi guruhi rahbari
2.	Yu.Absoatov	O‘zbekiston Respublikasi Oliy va o‘rta maxsus ta’lim vazirining axborot texnologiyalari va yoshlar bo‘yicha o‘rinbosari
3.	Sh.Abidova	O‘zbekiston volontyorlar assotsiatsiyasi direktori
4.	I.Xoldarova	O‘zbekiston yoshlar ittifoqi Markaziy Kengashi raisining o‘rinbosari
5.	B.Aralbayeva	O‘zbekiston Respublikasi Yoshlar ishlari agentligi bo‘lim boshlig‘i, ishchi guruhi kotibi

Izoh: Ishchi guruhi a’zolari boshqa ishga o‘tgan taqdirda uning tarkibiga ushbu lavozimga yangi tayinlangan yoki vazifalarni bajarish zimmasiga yuklatilgan xodimlar kiritiladi.

Yoshlar ishlari agentligi, Oliy va o‘rta-maxsus taʼlim vazirligi, O‘zbekiston yoshlar ittifoqi Markaziy Kengashi va O‘zbekiston volontyorlar assotsiatsiyasining 2021-yil “__” - maydagi ________/________/________/________-son qo‘shma qaroriga 2-ilova

Oliy ta’lim muassasalarida Volontyorlik markazlarini
tashkil etish to‘g‘risida
NIZOM


I. Umumiy qoidalar

1.1 O‘zbekiston Respublikasining “Volontyorlik faoliyati to‘g‘risida”gi Qonuni hamda O‘zbekiston Respublikasi Vazirlar Mahkamasining

2021-yil 18-yanvardagi “O‘zbekistonda yoshlarga oid davlat siyosatini 2025-yilgacha rivojlantirish konsepsiyasini tasdiqlash to‘g‘risida”gi 23-son Qarori ijrosini ta’minlash maqsadida Volontyorlik markazlari ijtimoiy tarbiya, fuqarolikni
va vatanparvarlikni shakllantirish, professor - o‘qituvchilar va talabalarning mehnati hamda ijtimoiy tashabbuslarini qo‘llab-quvvatlash, yosh fuqarolarning kasbiy, shaxsiy va boshqarish ko‘nikmalari rivojlanishiga imkon yaratish,
shuningdek, yoshlarning mehnat va ijtimoiy ko‘nikmalarini shakllantirish uchun oliy ta’lim muassasalarida Volontyorlik markazi (keyingi o‘rinlarda matnda - Markaz deb yuritiladi) tashkil etiladi.
1.2 Ushbu Markazlarda har 2 oyda kamida bir marotaba turli soha mutaxassislar o‘qituvchi sifatida ishlab, yangi volontyorlarning malakasini oshirishadi. Volontyorlik markazi a’zolari erkin ishlashi uchun oliy ta’lim muassasalari rahbariyati tomonidan barcha sharoitlar yaratib beriladi.
1.3 Ushbu Markazni yuqori saviyada tashkil qilish uchun
O‘zbekiston Respublikasi Yoshlar ishlari agentligi, O‘zbekiston Respublikasi Oliy va o‘rta-maxsus taʼlim vazirligi, O‘zbekiston yoshlar ittifoqi Markaziy Kengashi hamda O‘zbekiston volontyorlar assotsiatsiyasi mas’ul tashkilotlar hisoblanadi.


II. Markazning asosiy maqsad va vazifalari

2.1 “Volontyorlik markaz”larini ochishning asosiy maqsadi - yosh talabalarni markazlarda ixtiyoriy ishlashga jalb qilish, buning natijasida yoshlar ma’lum ish qobiliyatlarini o‘rganish, shuningdek, kasbiy malakasini oshirish imkoniyatiga ega bo‘lishadi.

2.2 Markaz quyidagi yo‘nalishlarda o‘z faoliyatini olib boradi: