O’zbekiston tarixi” fanidan mavzu: Mustaqillik yillarida madaniy qadriyatlarning tiklanishi. Bajardi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
TOSHKENT VILOYATI CHIRCHIQ DAVLAT PEDAGOGIKA INSTITUTI
GUMANITAR FANLAR FAKULTETI “TARIX” KAFEDRASI
“O’ZBEKISTON TARIXI” FANIDAN

MAVZU: Mustaqillik yillarida madaniy qadriyatlarning tiklanishi.


Bajardi: “Tarix o’qitish metodikasi”
yo’nalishi 3-kurs 18/1 guruh talabasi
Ergashev Yahyobek
Ilmiy rahbar:__________________


CHIRCHIQ-2021


MUNDARIJA


Kirish…….……………………………………………………..……………3
I BOB. Mustaqillik yillarida milliy va diniy qadriyatlarning tiklanishi
§ 1. Milliy istiqlol davrida ma`naviy meros, milliy va diniy qadriyatlarning tiklanishi va rivojlanishi……………………………………………………………6
§ 2. Milliy qadriyatlarning tiklanishi - demokratik jamiyat qurishning muhim sharti………………………………………………………………………….……12
II BOB. Mustaqillik yillarida ma’naviy va madaniy hayotning yuksalishi
§ 1. Mustaqillik yillarida ta`lim, adabiyot, me`morchilik amaliy san`at va kino ravnaqi……………………………………………………………………….…….21
§ 2. Teatr, sirk, musiqa va qo`shiqchilik san`ati, muzey va sport taraqqiyoti……………………………………………............................................27


Xulosa……..…………….......………………………………………….…...36


Foydalanilgan adabiyotlar ro’yxati.
KIRISH
“Moddiy islohotlar, iqtisodiy islohotlar o‘z yo‘liga. Ularni hal qilish mumkin. Xalqning ta’minotini ham amallab turish mumkin. Ammo, ma’naviy islohotlar -qullik va mutelik iskanjasidan ozod bo‘lish, qadni baland tutish, ota-bobolarimizning udumlarini tiklab, ularga munosib voris bo‘lish-bundan og‘irroq va bundan vazifa yo‘q bu dunyoda”.¹


Mavzuning dolzarbligi. Mustaqillikni amalga oshirish va mustahkamlash sharoitida ma’naviy qadriyatlarni tiklash va o‘zlikni anglashga alohida e’tibor berildi. Xalqning madaniy qadriyatlari, ma’naviy merosi ming yillar davomida sharq xalqlari uchun qudratli ma’naviyat manbai bo‘lib xizmat qildi.
Uzoq vaqt davom etgan qattiq mafkuraviy tazyiqqa qaramay, O‘zbekiston xalqi avloddan avlodga o‘tib kelgan o‘z tarixiy va madaniy qadriyatlarini hamda o‘ziga xos an’analarini saqlab qolishga muvaffaq bo‘ldi. Biroq, shuni ham ta’kidlash kerakki, ma’naviy qadriyatlarni hamda xalq uchun muqaddas bo‘lgan diniy qadriyatlar va an’analarniqaytadan tiklash, o‘zligimizni anglash ancha murakkab sharoitda eski imperiya tuzumi barbod bo‘lgan va yangi ijtimoiy munosabatlar qaror topayotgan sharoitda yuz berdi. O‘sha davrda jangari millatchilik, diniy ekstremistik ruhdagi xatti-harakatlar, ayrim siyosiylashgan guruhlarning naqadar tajovuzkorona nafratlari ko‘chaygan edi. Shu bilan birga o‘tmish qadriyatlarini, an’analarini va turmush tarzini betartib ravishda, orqa-ketini o‘ylamay qayta tiklash va boshqa keskinlikka, hozirgi davrni qabul qilmaslikka, jamiyatni yangilash zaruriyatini inkor etishga olib kelishi mumkin edi. Bunday vaziyatni hisobga olgan mustaqil O‘zbekiston davlati, ma’naviy tiklanishning ijobiy bunyodkorlik mohiyatini kuchaytirishga qaratilgan, bir-birini to‘ldiradigan siyosiy, iqtisodiy va ma’naviy dasturlarni ishlab chiqdi va amalga oshirdi. Ushbu dasturda o‘tmish qadriyatlarimizni tiklashda umuminsoniy qadriyatlarni boyitadigan hamda jamiyatimizni demokratiyalash va yangilash talablariga javob beradigan, axloq jihatdan ahamiyatli an’analarni, urf-odatlarni tanlab olishga asoslandi. Xalqimiz adolat, milliy iftixor, tenglik, ahil qo‘shnichilik, do‘stlik, insonparvarlikning nozik kurtaklarini asrlar osha avaylab-asrab kelmoqda. O‘zbekistonni yangilashning oliy maqsadi ana shu an’analarni qayta tiklash, ularga yangi mazmun bag‘ishlash, zaminimizda tinchlik va demokratiyani, farovonlik, madaniyat, vijdon erkinligi va har bir kishini kamol toptirishga erishish uchun shart-sharoitlar yaratishdir.
Ma’naviy meros nima, uning tiklanishi nimalarda namoyon bo‘lmoqda? Xalqimizning etnik madaniy va diniy qadriyatlarini tiklanishi, ma’naviy uyg‘onishining yana bir bitmas tugamas manbai bo‘ldi. Ming yillar davomida Markaziy Osiyo g‘oyat xilma-xil dinlar, madaniyatlar va turmush tarzlari va tinch-totuv yashagan markaz bo‘lib kelgan. O‘zbek xalqi ruhining tiklanishi, millatningma’naviy axloqiy g‘oyalarining shakllanishi chuqur milliylik bilan umuminsoniylik chambarchas bo‘lgan hodisadir.