Qabulxona, hodimlar bilan ishlash va hujjat yuritish jarayoni tahlili

Qabulxona, hodimlar bilan ishlash va hujjat yuritish jarayoni tahlili
,,AT Xalq banki” Beshariq filialida amaliyot o’tab, bankning turli bo’limlari bilan tanishib chiqdim va bu bo’limlarning xizmat vazifalarini o’rganib chiqdim.
AT Xalq bankida birinchi bo’lib, qabulxona, hodimlar bilan ishlash bo’limida amaliyot o’tadim. Amaliyot o’tsh vaqtida xodimlar bilan ishlash bo’limini xizmat vazifalari bilan tanishib chiqdim.
AT Xalq bankida kadrlar siyosati to’g’ri yo’lga qo’yilganligini va u amalda samarali foyda berayotganini bank xodimlari faoliyatidan yaqqol ko’rish mumkin. Bank tizimida xodimlar bilan ishlash har bir rahbarning zimmasidagi va o’z korxonasining rivoj topishidagi vazifasi hisoblanadi.
Hodimlar bilan ishlash xizmatining asosiy maqsadi – bank personalini yuqori malakali kadrlar bilan mustahkamlashga qaratilgan bo’lib, bu borada xodimlarni to’g’ri tanlash, joy – joyiga qo’yish, xizmat martabasini rejalashtirish va lavozimini oshirish, zahira tarkibi bilan ishlash, xodimlar tarkibi, qo’nimsizligi hamda xodimlarga bo’lgan ehtiyojni tahlil qilish, xodimlarni rag’batlantirish va intizomiy jazo choralarini qo’llash orqali mas’uliyatni oshirish kabi vazifalarni hal etishga qaratilgan.
Ushbu vazifalarni bajarish uchun:
Xodimlar sifat tarkibini tahlil qilib, ular safini yosh, bilimli xodimlar bilan yangilab boradi, iqtidorli yoshlarga e’tibor qaratib, ularni lavozim pog’onalarida bosqichma – bosqich o’sishini ta’minlaydi.
Boshqaruvchi va xodimlar bilan ishlash xizmati xodimi bo’sh lavozimlarga munosib nomzodlarni tanlash uchun xodimlarning ishbilarmonlik qobiliyatini o’rganadi, mutaxassisligi va ishchanligini hisobga olgan holda yangi vazifaga tayinlash, zarur holatlarda ishdan bo’shatish haqida rahbariyatga takliflar kiritadi.
Filial boshqaruvchisi bilan birgalikda rahbarlik lavozimlariga ko’tarish uchun xodimlar zahirasini tayyorlab, undan samarali foydalanishni tashkil etadi.
Bank tizimiga yangi ishga qabul qilingan xodimlarda kasiy ko’nikmalarni shakllantirish, zarur bilim malakalarga ega bo’lishlarini ta’minlash maqsadida ularga murabbiylar biriktirilishini va murabbiylar tomonodan qilingan ishlarni nazorat qilib boradi.
Jamoada ijobiy faollik va tashabbuskorlik muhitini yaratadi, ma’naviyatni yuksaltirishga qaratilgan chora – tadbirlarni o’tkazishda ishtirok etadi.
Har bir xodimga mehnat shartnomasi, lavozim majburiyatlari, moddiy javobgarlik, bank siri va boshqa tegishli shartnomalarni rasmiylashtirish, shuningdek, xodimni ,,Jamoa shartnomasi”, ,,Bank ichki mehnat tartib qoidalari” hamda bank tizimida qabul qilingan axloq – odob me’yorlari bilan tanishtirish.
Mehnat munosabatlarini rasmiylashtirishga oid buyruq loyihalarini tayyorlash.
Xodimlarni malakasini oshirish, o’qitish, stajirovka va rotatsiyasi bo’yicha takliflar berish.
O’z faoliyat ko’rsatkichlarinio tahlil qilish, ishlayotgan xodimlar soni va tarkibi to’g’risidagi xisobotlarning barcha shakllarini umumiylashtirish.
Bandlikka ko’maklashish markaziga har oyda tegishli hisobotlarni topshirish.
Mehnat nizolarining oldini olish choralarini ko’rish.