Qabulxona, hodimlar bilan ishlash va hujjat yuritish jarayoni tahlili

Buxgalteriya bo’limi, hujjat yuritishi va hisobotlarining tahlili
Buxgalteriya bo’limining asosiy maqsadi – buxgalteriya hisobi va hisoboti masalalari yo’nalishidagi faoliyatni muvofiqlashtirish hamda qonuniyligini ta’minlashdan iboratdir. Shuningdek, quyidagilarni ta’minlash maqsad qilib qo’yilgan:

• 
  qat’iy hisobda turuvchi blankalarni but saqlanishi va ularni hisobining to’g’ri yuritilishini nazorat qilish;
  
• 
  balansdan tashqari hisobvaraqalarda amalga oshiriladigan operatsiyalar hisobini to’g’ri va asosligini (to’lovga asos bo’luvchi birlamchi hujjatlarni mavjudliligi va boshqalar) ta’minlash;
  
• 
  davlat byudjetiga to’lovlar, ijtimoiy sug’urta va pensiya fondiga badallar, boshqa fondalar va hamda rezervlarga ajratmalarning to’g’ri yozilishi va o’z vaqtida o’tkazilishini nazorat qilish;
  
• 
  front-ofis tomonidan bank amaliyot kuniga tegishli buxgalteriya hujjatlarini ularning saqlash muddatlari bo’yicha alohida yig’ma jildlarga tahlab tikish (broshuralangan);
  
• 
  bank sirini tashkil etuvchi ma’lumotlarni belgilangan tartibda saqlanishini ta’minlash hamda ularni uchinchi shaxslarga taqdim etish qoidalariga rioya qilish;
  
• 
  joriy tekshiruvni amalga oshirish, shubhali va (yoki) gumonli alomatlari mavjud operatsiyalar aniqlangan taqdirda bunday operatsiyalar haqida bevosita o’z rahbariga va Ichki nazorat xizmati xodimiga yozma ravishda zudlik bilan xabar berish kabi vazifalarni bajaradi.
  

Buxgalteriya hisobi va hisoboti bo’limining asosiy vazifalari:
-buxgalteriya hisobini yuritish va hisobotlar tuzish bo’yicha belgilangan qoidalar asosida filialda buxgalteriya hisobining to’g’ri tashkil etilishining, xususan ,,amaliyot kuni” davomida amalga oshiriladigan operatsiyalarni o’z vaqtida buxgalteriya balansi hisobvaraqalarida to’g’ri aks ettirilishini ta’minlash;
-naqd pullarni kirim va chiqim amaliyotlarini olib borish;
-ichki hisob – kitob amaliyotlarini bajarish (xodimlarga ish haqi va unga tenglashtirilgan to’lovlarni, soliq va majburiy ajratmalarni to’g’ri hisoblash);
-filial ehtiyoji uchun sotib olinadigan tovar – moddiy boyliklar bo’yicha to’lovlarni o’tkazish va shartnomalarni bajarilishini nazorat qilish;
-bank aksiyalari bo’yicha dividentlarni hisoblash va hisobini shakllantirish;
-hisob – kitob, kassa, valyuta kredit hamda boshqa bank operatsiyalarini to’g’ri bajarilishini nazorat qilish;
-aktivlar, daromadlar hamda kapitalning holati va ularning o’zgarib turishini nazorat qilish;
-filialning moliyaviy holati, moliyaviy holatidagi o’zgarishlar va moliyaviy natijalari to’g’risidagi va rahbariyati holatiga baho beruvchi moliyaviy hisobotlarni nazorat qilish;
-hisob – kitoblardagi mablag’larni aylanishini nazorat qilish;
-bankdagi pul mablag’lari, moddiy qimmatliklar, shuningdek qat’iy hisobda turuvchi blankalar kamomati yoki ortiqchaligiga yo’l qo’ymaslik hamda belgilangan tartibda ularning saqlanishini nazorat qilish;
-mizojlarning hisob varag’ibo’yicha muddatida to’lanmagan hisob-kitob hujjatlari mavjud bo’lganida, hisobvaraqadan mablag’larni belgilangan tartibda chiqarilishini nazorat qilish;
Bank faoliyati natijalari oylik, choraklik va yillik buxgalteriya balanslarida, foyda va zararlar tо‘g‘risidagi hisobotda, shuningdek Markaziy bankka u tomonidan belgilangan muddatlarda taqdim etiladigan yillik hisobotda aks ettiriladi.
Bankning moliyaviy yili 1 yanvardan boshlanadi va 31 dekabrda tugaydi.
Bank Bank faoliyati davomida shakllanadigan hujjatlarning lozim darajada hisobga olinishi, saqlanishi va undan foydalanilishini ta’minlaydi. Bank qonun hujjatlarida belgilangan tartibda va muddat mobaynida hujjatlarning saqlanishini ta’minlaydi.Bank hujjatlari qonun hujjatlarida belgilangan tartibda davlat tomonidan saqlash uchun beriladi.