Qarshi muhandislik-iqtisodiyot institutining ichki tartib-qoidalari

48. Talabalarga о‘quv yili davomida ikki marotaba umumiy davomiyligi о‘quv rejada belgilangan muddatlarda ta’tillar beriladi.
49. Institut dars mashg‘ulotlari juftliklar asosida (astronomik 80 daqiqa) 40 daqiqadan 2 akademik soat etib belgilanadi. Dars mashg‘ulotlari oralig‘idagi tanaffuslarga astronomik 60 daqiqa hisobidan 10 daqiqa ajratiladi.
50. О‘qish 2 smenadan iborat tartibda tashkil etilganda smenalar orasidagi tanaffus 30-40 daqiqa etib belgilanadi.
51. О‘quv yili ikki semestrga bо‘linadi, ulardan har biri talabalar о‘zlashtirishi natijalarining yakunlanishi bilan tugallanadi.
52. Tо‘lov-kontrakt, byudjet, maqsadli va boshqa asoslarda talabalar safiga qabul qilingan barcha talabalar bilan institut о‘rtasida qonunchilikda belgilangan tartibdagi shartnoma tuziladi.
53. Institut jamoat, tashkiliy va ma’muriy ishlarni bajarishda kо‘maklashish, talabalarning о‘zini о‘zi boshqarish tizimini samarali yо‘lga qо‘yish uchun fakultet dekanati tomonidan guruh sardorlari ular saylangunga qadar vaqtinchalik vazifasini bajarish uchun tayinlanadi.
54. Guruh sardorlari о‘zining ish faoliyatini institut Nizomi, mazkur qoidalar, institutning boshqa ichki lokal hujjatlari asosida olib boradi. Guruh sardorlari guruh murabbiyi (tyutori)ning tavsiyasiga kо‘ra guruhning umumiy yig‘ilishida ochiq ovoz berish yо‘li bilan saylanadi. Birinchi kursda guruh sardorlari fakultet dekani tomonidan vaqtinchalik vazifasini bajarishga tayinlanadi, keyinchalik bir oy ichida guruhning umumiy yig‘ilishida ochiq ovoz berish yо‘li bilan saylanadi.
55. Guruh sardori о‘z arizasiga muvofiq yoki zimmasiga yuklatilgan vazifalarni talab darajasida bajarmaganligi, guruh sardori obrо‘siga putur yetkazadigan xatti-harakatlarni sodir etganligi uchun fakultet dekanining taqdimiga kо‘ra muddatidan oldin vazifasidan ozod etilishi mumkin.
Guruh sardorlari quyidagi vazifalarni bajaradi:
yig‘ilishlarda talabalar nomidan ishtirok etish;
о‘quv-tarbiyaviy ishlarni takomillashtirish yuzasidan fakultet dekanatiga takliflar kiritish;
professor-о‘qituvchilar tomonidan о‘tkazilayotgan о‘quv mashg‘ulotlari sifati va talabalarning bilimini obyektiv baholash yuzasidan talabalarning fikr-mulohazalarini fakultet dekanatiga yetkazish;
institutning ilmiy va jamoat ishlarida faol qatnashayotgan talabalarni rag‘batlantirish yuzasidan О‘zbekistan Yoshlar ittifoqiinstitut boshlang‘ich tashkiloti, institut Kasaba uyushmasi qо‘mitasi yoki fakultet dekanatiga takliflar kiritish;
ushbu qoidalarda belgilangan majburiyatlarni bajarmayotgan talabalarga nisbatan chora kо‘rish yuzasidan fakultet dekanati, institut Kasaba uyushmasi qо‘mitasi yoki О‘zbekiston Yoshlar ittifoqi institut boshlang‘ich tashkilotiga takliflar kiritish.
56. Institut rahbar xodimlari, professor-о‘qituvchilari, tyutolari va boshqa xodimlari, doktorantlari va talabalari mazkur Qoidalar, institut Nizomi, institutning Odob-axloqqoidalari, institutning korrupsiyaga qarshi kurashish dasturi (siyosati), institut xodim, talaba, о‘quvchi va doktorantlari tomonidan korrupsiyaviy huquqbuzarliklar sodir etishga og‘dirish maqsadida murojaat qilish holatlari xaqida xabardor qilish tо‘g‘risidagi nizom, institut Kengashi qarorlari, rektor buyruqlari, lavozim yо‘riqnomasi, tarkibiy bо‘linmalar tо‘g‘risidagi nizomlar va boshqa lokal normativ hujjatlarda belgilangan talablarga qatiy rioya etishlari shart.