Qarshi muhandislik-iqtisodiyot institutining ichki tartib-qoidalari

57. Mazkur Qoidalarning 56-bandida kо‘rsatilgan talablardan tashqari:
a) xodimlar va talabalar:
talaba о‘quv mashg‘ulotlariga uzrli sabablarga kо‘ra qatnasha olmagan holda bu haqida darhol fakultet dekanini xabardor qilib, asoslantiruvchi hujjatlarni taqdim etish;
institut faoliyat samaradorligiga daxldor bо‘lish hamda uning rahbariyati (rektor, prorektorlar, fakultet dekanlari, kafedra mudirlari, tarkibiy bо‘linma rahbarlari) haqida ma’lumotga ega bо‘lish;
uzrli sabablarga kо‘ra ish (о‘qish)ga kelmagan xodim (talaba) tarkibiy bо‘linma rahbari (fakultet dekani, kafedra mudiri) yoki Kadrlar bо‘limini ogohlantirishi hamda ish (о‘qish)ga chiqqan kuni asoslantiruvchi hujjatlarni taqdim etish;
texnika xavfsizligi, ishlab chiqarish sanitariyasi, yong‘indan saqlash qoidalari va meyorlariga rioya etish;
institut rahbariyatining roziligisiz о‘quv binosi va auditoriyalarga turli jihozlarni, begona shaxslarni olib kirmaslik va olib chiqmaslik;
b) doktorant (mustaqil izlanuvchi va izlanuvchilar):
О‘zbekistan Respublikasi Vazirlar Mahkamasining 2017 yil 22 maydagi 304-son qarori bilan tasdiqlangan va 2020 yil 6 noyabrdagi 696-sonli qarori bilan о‘zgartirishlar kiritilgan Oliy ta’limdan keyingi ta’limga qо‘yiladigan davlat talablari va Oliy ta’limdan keyingi ta’lim tо‘g‘risidagi Nizom qoidalariga qat’iy rioya qilish;
doktorlik dissertatsiya ishini tayyorlashniing yakka tartibdagi rejisiga ega bо‘lish va uni tо‘liq hamda о‘z vaqtida bajarish;
doktorlik dissertatsiyasini muddatida tayyorlash va Ilmiy kengashga himoya uchun taqdim etish;
biriktirilgan tarkibiy bо‘linma bilan doimiy aloqada bо‘lish, tarkibiy bо‘linmaning faoliyati yо‘nalishi bilan bog‘liq ishlarda ishtirok etish;
uzrli sabablarga kо‘ra о‘qishga kelmagan doktorant Ilmiy bо‘lim va biriktirilgan tarkibiy bо‘linma rahbarini ogohlantirishi hamda о‘qishga kelgan kunida asoslantiruvchi hujjatlarni taqdim etish;
institutda haftasiga 20 soat bо‘lishi (xizmat safari hamda ruxsat etilgan xorij safarlarida qatnashish, aloqa xatlariga, asosan, boshqa tashkilotlarda tadqiqot olib borishi bundan mustasno);
institut va boshqa muassasalarda о‘tkaziladigan anjumanlarda ishtirok etish, shuningdek, boshqa mutasaddi tashkilotlardan kelgan ilmiy tadqiqotlar bо‘yicha hujjatlar ijrosini ta’minlash va qonun loyihalarini tayyorlashda ishtirok etish;
institut rektori, prorektorlar, fakultet dekanlari hamda tegishli tarkibiy bо‘linmalarning rahbarlari tomonidan berilgan topshiriqlarni о‘z vaqtida va sifatli bajarish;
davlat, jamiyat va jamoat manfaatlariga doir harakatlar qilganda, vaqtincha mehnatga layokatsiz bо‘lganda, akademik ta’til olish uchun asoslar vujudga kelganda hamda boshqa uzrli sabablar mavjudligida bо‘ysunuv tartibida yuqori turuvchi rahbarni xabardor qilishga majbur.