Radiokanal tarixi O`zbekiston milliy teleradiokompaniyasining «O`zbekiston»

«Madaniy-ma’rifiy, badiiy eshittirishlar» muharririyati da ham ma’naviy-ma’rifiy targ`ibot ishlari bugungi kun talablaridan kelib chiqqan holda yanada takomillashtirib borilmoqda. Bu borada zamonaviy media texnologiyalardan hamda radio jurnalistikaning turli janrlaridan unumli foydalanishga, yuksak professional yondoshuvga harakat qilinmoqda.
«Ko`ngilochar va musiqiy eshittirishlar» muharririyati xalqimizning boy madaniy va ma’naviy merosini saqlash va ommalashtirishga, folklor-etnografik an’analarni rivojlantirishga, tinglovchilarni milliy hamda jahon musiqasi, qo`shiqchilik san’atining eng yaxshi namunalari bilan tanishtirishga alohida diqqat qaratadi. Muharririyatning «Yaxshi kayfiyat», «Baxshilar bayoti», «Durdona», «Tabassum», «Musiqa javoni» kabi eshittirishlari radiotinglovchilar o`rtasida alohida tanilgan.
Qoraqalpog`iston va viloyatlar muxbirlar tarmog`i mamlakatimizning turli hududlarida kechayotgan ijtimoiy-siyosiy, ma’naviy-ma’rifiy, huquqiy, ta’lim, sport, qo`yingki, barcha jabhalardagi keng ko`lamli islohotlar, o`zgarish va yangilanish jarayonlaridan reportaj, lavhalar, suhbatlar tayyorlab, efirga beradi.
Rejissyorlar guruhi hozirda eshittirishlarni tayorlash jarayoniga zamonaviy radio rejissuraning ilg`or yutuqlarini izchil tadbiq etish yo`lida samarali mehnat qilmoqda. Radiojurnalistika janrlariga zamonaviy media texnologiyalar bilan yondashilmoqda. Yangi radiosahna asarlari yaratilmoqda. Ayni paytda qator yangi loyihalar ustida ham izlanishlar olib borilyapti.