Ramazonda bu 4 masalani bilishingiz kerak

Hz Umar (r.a) johiliyat davrlarida 500 baytlik she`rni yodlaganlari haqida rivoyatlar bor. Sizningcha bunday bir zot Baqara surasini necha kunda yodlashi mumkin?

Balki bir necha kun , balki bir necha soat. Ammo rivoyatlarga ko`ra Baqara surasini 12-13 yilda yodlaganlari aytiladi. Nega bilasizmi?

U zotning dardi xotirada emas, uning dardi ma`nosini anglashda. Sahobalar bir oyatni eshitganlarida uni anglamasdan, u bilan yashamasdan “yodladim” deyishni bexurmatlik deb bilishgan. “Bu oyatda aytilganlariga qanday amal qilsam bo`ladi?” degan masala ularning asosiy tashvishi bo`lgan.

Alloh bir moddani nima uchun yaratgan? Ma`no uchun yaratgan . Bugun bashariyatning iztirobi nima uchun bilasizmi? U ma`nolar ochilmagani uchun. Ba`zan siqilamiz, betoqat bo`lamiz. Buning sababi - Qur`onning ichida bir ma`no bor, biz u ma`noni anglamayapmiz, faqat lafzda qolyapti. Alloh bizga nima demoqchi? Buni tushunmaymiz. Dardimiz faqat “buncha o`qiy, mana buncha savob olay” bo`lib qolgan. Savob nima o`zi?

Savob- Alloh bizdan rozi bo`lishining bir ko`rinishidir . Demak Qur`ondagi asl masala – bu ilohiy xabarga bog`lanishdir. Qu`ron bilan bog`lanmagan bir inson vazifasini bilmaydi.

Bir inson : “ Men Alloh borligiga ishonaman, Payg`ambariga, kitoblariga ishonaman, men bularga iymon etaman” deganidan keyin Payg`ambarimiz sollallohu alayhi vasallam keltirgan xabar ila hayotini nega o`zgartirmaydi?

Biz diqqatimizni, qalbimizni tashqaridan ichkariga qaytarishimiz kerak. Beton davri bizni ham betonlashtirdi. Allohning oyatlarini tinglaymiz, lekin qalblarimiz titramaydi, ko`zlarimiz yoshlanmaydi. Buning asosiy sabablaridan biri riyokorlikdir. Ya`ni tashqari uchun yashayapmiz. In shaa Alloh Ramazon oyi tashqaridan ichgariga o`tishga eng katta vasila bo`ladi.

Biz diqqatimizni, qalbimizni tashqaridan ichkariga qaytarishimiz kerak. Beton davri bizni ham betonlashtirdi. Allohning oyatlarini tinglaymiz, lekin qalblarimiz titramaydi, ko`zlarimiz yoshlanmaydi. Buning asosiy sabablaridan biri riyokorlikdir. Ya`ni tashqari uchun yashayapmiz. In shaa Alloh Ramazon oyi tashqaridan ichgariga o`tishga eng katta vasila bo`ladi.