Ramazonda bu 4 masalani bilishingiz kerak

Ro`zada Bir qo`shnimiz yonimizda yeb ichsa aytishimiz kerak:

“Men unga mas`ulman, Alloh uning hisobini mendan so`raydi” . Payg`ambarimiz sollallohu alayhi vasallam kelganlarida Makkada qancha musulmon bor edi ? 0 ta. U zot Olamni iymon nuri ila to`ldirdilar. Biz nima qilyapmiz ? Qo`shnimizni haqorat, birisini g`iybat, birisiga ochko`zlik qilyapmiz.

02

Ramazonda bilishimiz kerak bo`lgan ikkinchi masala: Ramazonning ma`nosi

Payg`ambarimiz sollallohu alayhi vasallam hijriy 2 – yildan 9- yilgacha 9 ta ramazon o`tkazdilar. Bu oylar ilohiy xabarlarga to`la edi. Demak Ramazon oyi deganda biz faqat och yurishni tushunmasligimiz kerak. Koinotni ne`matlar bilan to`ldirgan Alloh qulini nega och qoldiradi? Buni anglashimiz kerak. Agar anglamasak ro`zadan oladiganimiz faqat ochlik bo`ladi. Ro`zani ochlik qismini bilamiz, ma`nosini esa bilmaymiz.

Alloh taolo ismlarini koinotga jism o`laroq yozgan. Badiuzzamon Said Nursiy shunday deydilar: “Eng kichik narsada ham Allohning 30 ismi bor” . Bizning maqsadimiz esa shu ismlarni o`qimoq. Lekin g`aflat tufayli ularni o`qiy olmayapmiz.

Koinotni ne`matlar bilan to`ldirgan Zot qulini nega och qoldiradi?

Deylik bir idishda suv bor. Uni menga ofisda ishlayotganimda bersangiz hatto rahmat aytishni ham unutaman. Chunki suv berish juda oson ishdir. Lekin shu suvni cho`lda, o`lar holatda bo`lganimda bersangiz mening sizga jon qarzim bo`ladi. Qarang ayni suv , tarkibi bir xil lekin ma`nosi o`zgargan. Alloh taolo borlikni yo`qlik bilan his ettiradi . G`aflat pardasi yirtiladi va bizda shukur a`zosi ishlay boshlaydi. Zohirda ochlik, lekin botinda boshqa narsa bor . Ichimizda ishlatishni unutganimiz bir a`zo bor , shukur a`zosi. Robbimiz shu qadar ko`p ne`matlar bergan, lekin biz shukur etmaymiz. Bir do`stimiz choy bersa rahmat deymiz, choyni ichadigan tilimizni bergan Allohga rahmat demaymiz. Bizga ko`zoynak hadya qilishsa 1 yil qulluq qilamiz, ammo ko`zlarimizni bergan Allohga qulluq etmaymiz.
Alloh taolo ochlik kaliti orqali bizdagi shukur fabrikasini ishlatadi.