Самарқанд давлат архитектура қурилиш

6. Бошқарувга «стратегик ёндашувнинг» ижобий томонлари.

Замонавий раҳбар ўз компаниясининг мавқеини ва ушбу мавқега таъсир этувчи муҳит қандай ўзгаришини тасаввур этиши лозим. У ўз бизнесини шунчалик яхши билиши лозимки, зарурат туғилганда муайян ўзгаришларни амалга оширишни аниқ билиши керак.

«Рақобатчилар бизнинг усулларимизни, принципларимизни, имкониятларимизни асосан билишади, улар ўз устунлигидан фойдаланиш имкониятига эга. Муваффақиятларимиз фарқи стратегияларни яратилиш ва амалга оширишдадир» дейди муваффақиятли фирманинг ижрочи-директори.
Юқори даражали стратегик фикрлаш ва бошқариш бу:
1. «Биз нима қилмоқчимиз ва нимага эришмоқчимиз?» нуқтаи назаридан ташкилотни яхшироқ бошқариш;
2. Раҳбарларнинг ўзгаришларга нисбатан сезгирлиги;
3. Инвестицияларни ва рақобатли эҳтиёжларни баҳолашда раҳбарларни рационал баҳолаш асослари билан таъминлаш;
4. Ташкилот бўйича стратегик қарорларни мувофиқлаштириш;
5. Бошқарув активлигини ошириш, фақат ҳимояланиш стратегиясидан фойдаланишни олдини олиш. Бизнес тарихи фақат ҳимояланиш ёки жавоб чоралари билан муваффақиятга эришиб бўлмаслигини кўрсатади.
Таянч атамалар.
Кейинги маърузаларимизда қуйидаги атамалардан тез-тез фойдаланамиз.
Стратегик тасаввур - ташкилотнинг фаолият ва ривожланиш йўналишини олдиндан кўриш. Ташкилотнинг нима қилишга интилиши ва қандай кўринишга эга бўлиши муҳимдир.
Ташкилот миссияси - «Бизнесимиз қанақа ва биз истеъмолчиларимиз учун нима қилмоқчимиз?» деган саволга бошқарув нуқтаи назаридан жавоб беришдир. Миссияда ташкилот фаолияти ва унинг таркиби мукаммал ёритилади.
Молиявий мақсадлар - ташкилотнинг молиявий мақсадлари учун раҳбарлар белгилайдиган натижалар.
Стратегик мақсадлар - ташкилотнинг бозор мавқеини ва рақобатбардошлигини таъминлаш учун раҳбарлар белгилайдиган мақсадлар.
Узоқ муддатли мақсадлар - яқин 3-5 йилда ёки йилдан-йилга мунтазам амалга ошириладиган мақсадлар.