Samarqand davlat universiteti psixologiya va ishtimoiy fanlar fakulteti psixologiya kafedrasi

Ilhomova D.I.

-Psixologiya kafedrasi dotsenti v.b., psixologiya fanlari nomzodi

Taqrizchilar:

G‘oziev E.G‘.	-Psixologiya kafedrasi professori, psixologiya fanlari doktori
Farfieva K.A.	TDTU dotsenti, psixologiya fanlari nomzodi

KIRISH

Fundamental fan sohalari orasida genetika, xususan, psixogenetika fani psixolog uchun, bilimdon, har tomonlama etuk mutaxassis-kadrlarni tayyorlash uchun alohida qimmatga egadir. Psixologik hodisalarning irsiyligi bilan bog‘liq masalalar nafaqat mutaxassislarni, balki shuningdek psixologik ma’lumotga ega bo‘lmagan oddiy kishilarni ham ko‘p vaqtlar davomida qiziqtirib kelgan. Ushbu o‘quv fanini o‘qitishning asosiy maqsadlaridan biri shundaki, psixik taraqqiyotning genetik jihatlari ilmiy materialistik dunyoqarashni shakllantiradi. Ikkinchi tomondan esa, psixologning o‘z mutaxassisligi doirasidagi bilimlar ko‘lamini kengaytiradi va ayniqsa, maslahat berish amaliyotida asqotadi.