«TASDIQLAYMAN»
Norin tuman maktabgacha ta’lim bo‘limi mudiri ______________R.Mamajonov ___ ______________ 2022 йил
Norin tuman Davlat xizmatlari markazi tomonidan“___”___________ 2022 yil №______-sonli reestr raqam bilan ro‘yhatdan o‘tkazildi
NORIN TUMANI 51-MAKTABGACHA TA'LIM TASHKILOTINING YANGI TAHRIRDAGI
NIZOMI
Norin tumani-2022 YIL
1-bob. Umumiy qoidalar
1. Ushbu Nizom umumiy turdagi davlat maktabgacha ta’lim tashkilotlari (keyingi o‘rinda maktabgacha ta’lim tashkilotlari deb ataladi) maqsadlari va vazifalari, huquqlari, majburiyatlari va javobgarligini, shuningdek, ularning faoliyatini tashkil etish tartibini belgilaydi.
Davlat maktabgacha ta’lim tashkilotining to‘liq nomi:
«NORIN TUMANI 51-MAKTABGACHA TA'LIM TASHKILOTI»
Davlat maktabgacha ta’lim tashkilotining pochta manzili:
O‘zbekiston Respublikasi, Namangan viloyati, Norin tumani, Toshloq MFY, Farovon ko’chasi, 123-uy
2. Ushbu Nizomda quyidagi tushunchalardan foydalaniladi:
maktabgacha ta’lim tashkiloti — umumiy turdagi davlat maktabgacha ta’lim tashkiloti;
davlat maktabgacha ta’lim tashkiloti — davlat tomonidan moliyalashtiriladigan va boshqariladigan hamda Ilk va maktabgacha yoshdagi bolalar rivojlanishiga qo‘yiladigan davlat talablariga muvofiq maktabgacha ta’lim xizmatlarini ko‘rsatadigan tashkilot;
bolaning qonuniy vakillari — bolaning ota-onalari yoki ularning o‘rnini bosuvchi shaxslar.
3. Ushbu Nizom ko‘p tarmoqli ixtisoslashtirilgan maktabgacha ta’lim tashkilotlariga va qo‘shma tipdagi maktabgacha ta’lim tashkilotlariga tatbiq etilmaydi.
4. Maktabgacha ta’lim tashkilotlari o‘z faoliyatini O‘zbekiston Respublikasi Konstitutsiyasiga, O‘zbekiston Respublikasining “Maktabgacha ta’lim va tarbiya to‘g‘risida”gi Qonuniga va O‘zbekiston Respublikasining boshqa qonunlariga, O‘zbekiston Respublikasi Oliy Majlisi palatalari qarorlariga, O‘zbekiston Respublikasi Prezidenti farmonlari, qarorlari va farmoyishlariga, Vazirlar Mahkamasi qarorlari va farmoyishlariga, Ilk va maktabgacha yoshdagi bolalar rivojlanishiga qo‘yiladigan davlat talablariga, ushbu Nizomga va o‘z ustaviga muvofiq amalga oshiradi.
5. Maktabgacha ta’lim tashkilotlari davlat tashkilotlari bo‘lishi mumkin.
6. Maktabgacha ta’lim tashkiloti vakolatli davlat organi tomonidan attestatsiya asosida qonun hujjatlarida belgilangan tartibda akkreditatsiyadan o‘tkaziladi.
7. Davlat maktabgacha ta’lim tashkiloti yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga va shtampga, mustaqil balansga, budjet va budjetdan tashqari shaxsiy g‘azna hisobvaraqlariga ega.
Do'stlaringiz bilan baham: |