Termiz davlat universiteti iqtisodiyot va turizm fakulteti «iqtisodiyot»

5230100 - Iqtisodiyot ta’lim yunalishi talabalari ISHLAB CHIQARISH AMALIYOTI o’quv rejaga asosan III- kurs 6-semestrida 4 hafta bo’lib, haftasiga 6 kun, har bir kunda 6 soatdan amaliyot mashqlari, qolgan 3 soatda talaba o’z mustaqil faoliyatini amalga oshirish rejalashtirilgan. Amaliyotning aniq muddatlari Termiz davlat universiteti rektori buyrug’i bilan tasdiqlanadi.
AMALIYOTNI TASHKIL ETISH VA O’TASH TARTIBI
5230100-"Iqtisodiyot" ta’lim yunalishi talabalari ishlab chiqarish amaliyoti­ni moddiy va nomoddiy ishlab chiqarish korxonalari, tashkilotlari va muassasalarining Iqtisodiyot, Moliya va boshqa bo’limlarida; Iqtisodiyot investitsion institutlarida; O’zbekistan Respublikasi Iqtisodiyot hamda boshqa muassasa vazirligi va uning quyi bug’inlarida, tijorat banklarida, soliq idoralarida, Oliy ta’lim, kasb-hunar kollejlarida universitetning yo’llanmasi asosida o’tishi mumkin.

Ishlab chiqarish amaliyotini tashkil etish uchun Termiz davlat universite­ti bilan korxona, tashkilot va muassasa o’rtasidagi tuzilgan shartnoma asos bo’lib xisoblanadi.

Amaliyotni tashkil etish va o’tashda talaba, universitetdan biriktirilgan amaliyot rahbari (o’qituvchi) va qabul qiluvchi tashkilot vakili (amali­yot joyida talabaga rahbarlik qilish uchun biriktirilgan tegishli bo’lim boshliq va mutaxassislari) to’g’ridan-to’g’ri ishtirok etadi.

Amaliyotni umumiy boshqarishni mutaxassis chiqaruvchi «Iqtisodiyot» kafedrasi amalga oshirib, to’g’ridan-to’g’ri boshqarishni esa rektor bo’yrug’i bilan kafedra tomonidan biriktirilgan ilmiy rahbar amalga oshiradi? hamda hisobotga taqriz yozib uni himoyaga tavsiya etadi.

UNIVERSITETDAN TAYINLANGAN AMALIYOT RAHBARINING MAJBURIYATLARI:

• 
  Amaliyot o`tish joyini aniqlab shartnoma mavjudligini tasdiqlab,talaba boradigan amaliyot ob’ektiga borish uchun yozma ariza oladi.
  
• 
  Talaba bilan birgalikda amaliyot va hisobot mazmuni uchun shaxsiy reja topshiriqni ishlab chiqishda ko’rsatma berish;
  
• 
  Talabaning amaliyot o’tishini nazorat qilish;
  
• 
  Hisobot uchun materiallarni yig’ishda talabaga uslubiy yordam ko’rsatish;
  
• 
  Amaliyot bo’yicha yakuniy hisobotni yozishda uslubiy yordam berish;
  
• 
  Amaliyot natijasini tekshirish bo’yicha xulosa berish va baholash;
  
• 
  Talabaning amaliyot bo’yicha hisobotini tekshirib, taqriz yozish, uni himoya qilish komissiyasiga taqdim qilish va uning ishida ishtirok etish.
  

AMALIYOT OB’YEKTIDAN BIRIKTIRILGAN RAHBARNING VAZIFALARI