Термиз давлат университети раимов ғайрат файзуллаевич

Тадқиқотнинг илмий янгилиги қуйидагилардан иборат:
Ностандарт масалаларни ечишда физика ўқитувчилари касбий тайёргарлигининг (фаолияти, инновацион) ташкилий-тузилмавий компонентларини такомиллаштиришнинг дидактик имкониятларини амалиётга йўналтириб ўқитишда имитацион технологиялар (дебат, тренинг)га устуворлик бериш асосида такомиллаштирилган;
ўқувчи ижодий фаолиятини ривожлантиришда физиканинг “Механика” бўлимига доир ностандарт масалалар ечиш тадқиқотчининг ўқув-методик кўникма, малака ва компетенциялари асосида такомиллаштирилган;
физиканинг “Механика” бўлимига доир ностандарт масалаларни ечишда ўқувчи ижодий фаолиятини ривожлантириш тизими – функционал моделининг ташкилий –методик компоненти сифатида инновацион ўқитишнинг коллоборатив (гуруҳий мунозаралар, ҳамкорликда, ўрганиш, индивидуал, гуруҳларга бўлиниб ностандарт масалалар ечиш) когнитив ностандарт масалалар ечиш фаолиятига шахсий муносабатни акс эттирувчи ҳиссий (физикадан ностандарт масала ечишга қизиқиш ва эҳтиёжни ошириш) муносабатни қарор топтириш асосида аниқланган;
физиканинг “Механика” бўлимига доир ностандарт масалаларни ечишда ўқувчи фаолиятини ривожлантиришга қаратилган психологик, педагогик, дидактик, технологик, интегратив асосда такомиллаштиришга оид тажриба – синов натижалари таҳлилига асосланиб хулосалар ишлаб чиқилган, таклиф ва тавсиялар берилган.
Тадқиқотнинг амалий натижалари қуйидагилардан иборат:
мактабда физиканинг “Механика” бўлимига доир ностандарт масалалар (сонли, миқдорий, сифат, график, экспериментал, эвристик)ни танлаш принциплари (илмийлик, онглилик, кўргазмалилик, назария ва амалий уйғунлиги) ва ечиш методикасини такомиллаштиришга оид таклиф ва тавсиялар ишлаб чиқилган ва “Физикадан масала ва саволлар тўплами” номли ўқув қўлланма, “Физиканинг “Механика” бўлимига доир ностандарт масалаларни ечишга таъсир этувчи омиллар” номли методик қўлланма нашр қилинган ва амалиётга татбиқ этилган;
мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштириш даражалари, мезонлари, ўзлаштириш ва сифат кўрсаткичлари такомиллаштирилган;
мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштиришда замонавий таълим (“Ақлий ҳужум”, “Бумеранг”, “Зинама-зина”, “3х3”) технологиялари татбиқ этилган, педагогик тажриба- синов ўтказилган, олинган натижаларга асосланиб таклиф ва тавсиялар ишлаб чиқилган;
мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштиришга оид дарс ишланмалари тайёрланиб, турли типдаги ностандарт масалаларни амалиётга жорий этиш самарадорлигини ошириш бўйича таклиф ва тавсиялар ишлаб чиқилган;
мактабда физиканинг “Механика” бўлимига доир ностандарт масалаларни танлаш принциплари ва ечиш методикаси аниқлаштирилган, шакл, метод, восита ва йўллари такомиллаштирилган;
мактабда физиканинг “Механика” бўлимига доир ностандарт масалаларни танлаш принциплари ва ечиш методикасини такомиллаштириш бўйича ўқув-методик қўлланма, ёрдамчи тарқатма ва дидактик материаллар нашр этилган ва ўқув жараёнига татбиқ қилинган.