ToshkeNt davlat pedagogika universiteti huzuridagi ilmiy darajalar beruvchi dss. 03/30. 01. 2020. Ped. 26. 01

Tadqiqotning amaliy natijalari quyidagilardan iborat:
ona tili darslarida o‘quvchilarining nutqiy kompetensiyalari: tinglab tushunish, o‘qish, so‘zlash va yozish ko‘nikmalari rivojlantirilgan, og‘zaki va yozma nutqda nutqning kommunikativ xususiyatlari bo‘yicha egallanishi lozim bo‘lgan bilim, ko‘nikma va malakalar hosil qilingan, mashq va topshiriqlarni tizimli tashkil qilish asosida nutqiy kompetensiyalarni rivojlantirish metodikasi ta’lim jarayoniga tatbiq etilgan;
Ona tili darslarida nutqiy kompetensiyalarni rivojlantirish metodikasini takomillashtirish uchun nostandart mashq va topshiriqlar tizimi ishlab chiqilgan va amaliyotga tatbiq etilgan;
ona tili ta’limi mazmunining sifat va samaradorligini oshirish maqsadida yozma ish turlarining baholash mezonlariga ma’lum o‘zgartirishlar kiritish bo‘yicha tavsiyalar amaliyotga joriy etilgan.
Tadqiqot natijalarining ishonchliligi. Amal qilingan yondashuv va tamoyillar, qo‘llanilgan usullar va nazariy ma’lumotlarning ilmiy manbalardan olinganligi, muammo yuzasidan respublikamizdagi hamda xorijiy olimlarning g‘oyalariga, amaliyotchi o‘qituvchilarning tajribalariga tayanilganligi, keltirilgan tahlillar va tajriba-sinov ishlari samaradorligining matematik statistika metodlari vositasida asoslanganligi, xulosa, taklif va tavsiyalarning amaliyotga joriy qilinganligi, olingan natijalarning vakolatli tuzilmalar tomonidan tasdiqlangani bilan belgilanadi.
Tadqiqot natijalarining ilmiy va amaliy ahamiyati. Tadqiqotning ilmiy ahamiyati ona tili ta’limida 10-11-sinf o‘quvchilarining nutqiy kompetensiyalarini rivojlantirishga doir ta’lim mazmuni sinflar bo‘yicha muvofiqlashtirilganligi, ona tili darslarida matn tuzishga oid mashq va topshiriqlar tahlil qilinib takomillashtirilgani, nutqiy ko‘nikma va malakalarni hosil qilish, o‘quvchilarning mustaqil tinglab tushunishi va erkin muloqot qilishiga xizmat qiluvchi matnlar bilan ishlash mazmuni va metodlari bilan asoslanganligi, nutqiy kompetensiyalar elementlaridan o‘ziga xos koloritlar va kommunikativ jarayonlarda foydalanishga oid egallashi lozim bo‘lgan bilim, ko‘nikma va malakalar bo‘yicha nutqiy kompetensiyalarni rivojlantirish tartibi amaliy-metodik jihatdan talqin qilinganligi bilan belgilanadi.
Tadqiqot natijalarining amaliy ahamiyati umumiy o‘rta ta’lim ona tili darslari jarayonida nutqiy kompetensiyalarni rivojlantirish va o‘qitish cifatini oshirishga, umumiy o‘rta ta’lim va oliy ta’limda mutaxassislik fanlaridan o‘quv va uslubiy qo‘llanmalar yaratishga, malaka oshirish kurslarida, shuningdek, ona tili va adabiyot o‘qituvchilarining ta’lim jarayonida foydalanishlariga xizmat qiladi.