Тошкент кимё-технология институти «Информатика, автоматлаштириш ва бошқарув» кафедраси «ихтисосликка кириш»

МАВЗУ: ТКТИ ИЧКИ ТАРТИБ –ИНТИЗОМ ҚОИДАЛАРИ


РЕЖА

1. 
   Талабаларнинг институтда юриш-туриш қоидалари
   
2. 
   Талабаларнинг ҳуқуқ ва мажбуриятлари.
   
3. 
   Гуруҳ етакчисининг вазифалари.
   
4. 
   Ўқув ички тартиб-интизомини бузганлиги учун талабаларга кўлланилладиган жазо чоралари.
   
5. 
   Маънавий-ахлоқий қоидалар.
   

Таянч иборалар

Институт, талаба, қоида, тартиб, интизом, огоҳлантириш, жазо, хайфсан, қатъий хайфсан, четлаштириш, гуруҳ, етакчи, ўқув, аҳлоқ, маънавият, маърифат, хуқуқ, мажбурият, вазифа, жарима.

Талабаларнинг институтда юриш-туриш қоидалари
1. Институт ҳудудида кийим-бош тоза ва бут бўлмоғи зарур (кийим дазмолланган, соч таралган, соқол-мўйлов олинган; талабалар костюмда, галстукли, пойафзал тоза бўлиши, талаба қизлар эса ораста, сипо, иболи ва айни вақтда замонавий кийинишлари мақсадга мувофиқ).
2. Институт ҳовлисида, бино ичкарисида, ўқув хоналари ва залларида, йўлакларда, «Талабалар турар жойи» биноси, хоналари ва ҳовлиларида озодаликни сақлаш биринчи даражали талаб ҳисобланади. Шу боис писта чақиш, чекиш ва ҳоказолар ман этилади.
3. Институт ускуна-жиҳозлари, аслаҳа-анжомларига эҳтиёткорона муносабатда бўлиш, уни кўз қорачиғидай сақлаш ҳар бир талабанинг муҳим бурчидир.
4. Институт ҳудуди ва биноларида шовқин-сурон кўтариш ва ноўрин хатти-ҳаракатларга йўл қўймаслик - асосий талаблардандир.
Талабаларнинг ҳуқуқ ва мажбуриятлари
Талабалар қуйидаги ҳуқуқларга эга:
• Институтнинг компьютер хоналари, кутубхонаси, ўқув заллари, шунингдек, спорт иншоотлари, маданий ва турар-жой базаларидан фойдаланиш;
• Институт кафедраларида талабалар илмий жамияти олиб бораётган илмий-тадқиқот ишларида иштирок этиш;
• амалдаги қонун, рейтинг назорати натижалари ва институтнинг ижтимоий ҳаётида фаол иштирок этиб имтиёзли стипендиялар олиш;
• Спорт машғулотлари ва бошқа ҳаваскорлик тўгаракларида иштирок этиш.