Toshkent tibbiyot akademiyasi farg‘ona filiali “ijtimoiy fanlar” kafedrasi

КЕЙС ТОПШИРИҚЛАРИ

1. 
   М.Шарифхўжаев томонидан берилган таърифга кўра, “Фуқаролик жамияти бу – эркин, демократик, ҳуқуқий цивилизациялашган жамият бўлиб, унда яккаҳокимлик режимига, волюнтаризмга, синфий адоватга, тоталитаризмга, одамлар устидан зўравонлик қилишга ўрин йўқ. Бундай жамиятда фақат ва фақат қонун, ахлоқ, инсонпарварлик, адолат устуворлик қилади. Бу жамиятда кўп укладли рақобатга асосланган бозор иқтисодиёти, ташаббускор тадбиркорлар иқтисодий ривожланишнинг асосини ташкил этади, турли ижтимоий қатламлар манфаатлари мувозанатга келтирилиб турилади.
   

Таърифга кўра, Фуқаролик жамияти ва давлат ўртасида қандай муносабатлар амалга оширилади?

2. 
   Фаол фуқароликка хос хусусиятлар – ўз хақ-ҳуқуқлари учун курашиш, давлат қонунларининг тўкис амал қилинишини назоратга олиш, жамиятдаги барқарорликни таъминлашга қаратилган тадбирларда фаол иштирок этиш каби хатти-ҳаракатларда намоён бўлади. Олижаноблик ва камсуқумлик эса комил инсонга хос фазилатлар саналади.
   

Муаммоли вазият: Фуқаролик жамиятини ташкил этувчи фаол фуқаролар комил инсонга хос фазилатлардан йироқ бўладими?

3. 
   Дунёдаги барча давлатлар қатори бизнинг янги Ўзбекистонимизда ҳам коррупцияга қарши кенг миқёсда кураш авж олган, бу ҳақда Президентимиз томонидан илгари сурилган “Ҳаракатлар стратегияси”да ҳам амалга оширилиши қатъий этиб белгиланган вазифалар ҳақида гап боради. Дарҳақиқат, коррупциянинг ҳар қандай тури жамият тараққиёти учун ёт ва зарардир. Бироқ, ўзбекона аъмол, удумга кўра бирор-бир хизмат ёки қандайдир кутилмаган янгилик учун розичилик аломати сифатида суюнчи ўрнида пул ёҳуд совға ҳадя этиш одати шаклланган. Бу айниқса, тиббиёт соҳасида (гинекология, жарроҳлик ва б.) кўплаб учрайди.
   

Муаммоли вазият: Врач, умуман тиббиёт ходими бу холатда қандай йўл тутиши керак?

4. 
   Маълумки, Демократия фуқаролик жамиятининг муҳим ва мустаҳкам асоси ҳисобланади. Дунёнинг кўплаб ўзларини ашаддий демократик давлат сифатида тарғиб этаётган мамлакатларида хукумтга қарши кўплаб намойишлар ўтказилиб турилади. Масалан, мазкур йилда АҚШда қора танли фуқаронинг полиция томонидан отиб ўлдирилиши оддий халқ норозилигига сабаб бўлиб кўплаб намойишларда қора танли фуқароларнинг полиция билан тўқнашувлари юзага келди.