1.Toshkent tuman davlat soliq inspektsiyasining tashkil topish tarixi, tarkibiy tuzilishi
Toshkent tuman davlat soliq inspektsiyasiga O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan boshliq boshchilik qiladi.
Davlat soliq boshqarmasi boshlig‘i:
- davlat soliq boshqarmasining faoliyatiga rahbarlik qiladi hamda davlat soliq boshqarmasiga yuklatilgan vazifalar va funksiyalarning bajarilishi uchun javob beradi;
- o‘ziga yuklangan vazifalar amalga oshirilishini ta’minlaydi, o‘ziga bo‘ysunuvchi bo‘linmalar faoliyatini tashkil etadi, muvofiqlashtiradi va nazorat qiladi;
- boshqarma tarkibiy tuzilmalari, o‘ziga bo‘ysunuvchi hududiy davlat soliq xizmati organlari rahbarlari va xodimlarining javobgarlik darajasini belgilaydi;
- belgilangan vakolatlar doirasida O‘zbekiston Respublikasi qonunlari, O‘zbekiston Respublikasi Oliy Majlisi palatalari qarorlari, O‘zbekiston Respublikasi Prezidentining Farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari hamda boshqa qonun hujjatlari, shuningdek Davlat soliq qo‘mitasining ichki idoraviy hujjatlari asosida va ularni bajarish yuzasidan Farg‘ona viloyati davlat soliq xizmati organlari tomonidan bajarilishi majburiy bo‘lgan buyruqlar chiqaradi, topshiriqlar va ko‘rsatmalar beradi;
Davlat soliq qo‘mitasi bilan kelishilgan holda Farg‘ona viloyati davlat soliq boshqarmasi va davlat soliq inspeksiyalarining shtatlar jadvalini boshqaruv xodimlarining belgilangan soni hamda yordamchi xodimlarning amaldagi hisob normativlari va mehnatga haq to‘lash fondi doirasida tasdiqlanadi.
xodimlarning cheklangan soni va mehnatga haq to‘lash fondi doirasida Farg‘ona viloyati davlat soliq boshqarmasi va davlat soliq inspeksiyalari tuzilmasiga belgilangan tartibda o‘zgartirishlar kiritish huquqiga ega bo‘ladi;
Davlat soliq qo‘mitasi tomonidan tasdiqlanadigan Davlat soliq inspeksiyasi to‘g‘risidagi namunaviy nizom asosida Farg‘ona viloyatining davlat soliq inspeksiyalari to‘g‘risidagi nizomlarni tasdiqlaydi;
Davlat soliq boshqarmasi hamda inspeksiyalari xodimlarini belgilangan tartibda lavozimga tayinlaydi va lavozimdan ozod qiladi;
alohida o‘rnak ko‘rsatgan xodimlarni respublika davlat mukofotlarini va davlat soliq xizmati organlarining mansabdor shaxslari uchun O‘zbekiston Respublikasi Hukumati tomonidan belgilangan maxsus unvonlarni berish uchun Davlat soliq qo‘mitasiga tavsiya qiladi;
O‘zbekiston Respublikasining davlat organlari, muassasalari va tashkilotlari bilan bo‘ladigan munosabatlarda Farg‘ona viloyati davlat soliq boshqarmasi nomidan ish olib boradi.
Davlat soliq boshqarmasi boshlig‘i unga berilgan vakolatlar doirasida boshqa huquqlarga ham egadir.
Soliqqa oid qonun hujjatlarini qo‘llashning eng murakkab va munozarali masalalari bo‘yicha qarorlar tayyorlash, yuqori malakali maslahatlashuvlar o‘tkazish uchun Farg‘ona viloyati davlat soliq boshqarmasida maslahat-ekspert kengashi tashkil etiladi.
Davlat soliq boshqarmasining maslahat-ekspert kengashi to‘g‘risidagi Nizom Davlat soliq qo‘mitasi tomonidan tasdiqlanadi. Maslahat ekspert kengashiga davlat soliq boshqarmasi boshlig‘ining o‘rinbosari rahbarlik qiladi.
Davlat soliq boshqarmasiga aholi o‘rtasida tushuntirish va profilaktika ishlarini amalga oshirish uchun o‘zining bosma organini ta’sis etish va nashr qilish huquqi berilgan.
Davlat soliq boshqarmasida ajratilgan byudjet mablag‘lari limiti hamda Davlat soliq qo‘mitasining Moddiy yordam, ijtimoiy muhofaza, soliq organlarini rivojlantirish va ko‘zda tutilmagan xarajatlar maxsus jamg‘armasi mablag‘lari hisobidan Davlat soliq qo‘mitasi tomonidan belgilangan tartibda ajratilgan mablag‘lar doirasida, davlat soliq xizmati organlari faoliyatining izchilligini ta’minlash uchun zarur bo‘lgan foydalanish, avtotransport, axborot-hisoblash va boshqa bo‘linmalar tashkil etishi mumkin.
