Urganch Davlat Universitetining Tabiiy fanlar fakulteti Biologiya kafedrasi 18 guruhi talabasi Botanika fanidan tayyorlagan Kurs ishi Topshirdi: Qabul qildi: ­­­ Mavzu: Qo’ng’ir suv o’tlar. Reja

Geterogeneratsimonlar ajdodi (sinfi) – Heterogeneratophyceae. Bu sinf vakillarining nasllar gallanishi geteromorf bo’lib, gametofitlari bir-biriga o’xshash, mikroskopik maysalar ko’rinishida, ayrim turlarida bir necha hujayralardan iborat ipsimon o’simtani tashkil etadi. Odatda, ayrim jinsli bo’lib, erkak gametofitida mayda hujayralar ko’rinishidagi anteridiyda bittadan spermatozoid, urg’ochi gametafitining oogoniysida esa bittadan tuxum hujayra yetiladi.

10-rasm laminariya

Tuxum hujayrasi oogoniydan tashqariga chiqib otalanadi va undan sporofit o’sib chiqadi. Sporofitlari sistematik guruhlariga qarab bir-biridan keskin farq qiladi va ko’pinchalik suvo’tlari ichida eng yirik, murakkab anatomik tuzilishga hamda sezilarli morfologik differensiatsiyaga ega tallomlarini yuzaga keltiradi. Sinfning keng tarqalgan tipik vakillaridan biri laminariya (Laminaria) shimoliy dengizlarda yashaydi. Uning sporofit tallomi uzunasiga bir necha metr kattalikda bo’ladi va “barg” plastinkasi “poya” hamda rizoid qismlariga bo’linadi. Rizoid va “poya”si ko’p yillik bo’lib, “barg” plastinkasi esa har yili almashinib turadi. Ko’payish paytida “barg” plastinkasidagi po’stloq hujayralari ustida to’qmoqsimon zoosporongiylar sorusi hosil bo’ladi. Zoosporalaridan esa urg’ochi va erkak mikroskopik maysachlar o’sib, ularning ustida oogoniy va anteridiylar yetishadi.