Устозим – ҳаётим чироғи Фалсафа (Этика. Эстетика. Мантиқ)

МУСТАҚИЛ ИШГА ҚЎЙИЛАДИГАН АСОСИЙ ТАЛАБЛАР.
Мустақил ишни бажаришда устозларнинг қуйидаги сифатларига эътибор бериш тавсия этилади:

1. 
   Ёшларнинг қалби ва онгига она Ватанга муҳаббат ва садоқат туйғусини сингдириш, уларни турли таҳдидлардан асраш, комил инсон этиб вояга етказиш йўлидаги беқиёс хизматлари;
   
2. 
   Илм-фан ва таълим тарбия соҳасининг моддий-техника базасини янада мустаҳкамлашдаги хизматлари;
   
3. 
   Замонавий ўқитувчи, устоз, педагог ва мураббий эканлиги;
   
4. 
   Шогирдларга эгалиги;
   
5. 
   Хориж илғор тажрибасини таълим тизимига қўллаши;
   
6. 
   Мукофотлари, рағбатлари;
   
7. 
   Ёшлар ҳаётидаги маслакдоши эканлиги;
   
8. 
   Муомала, нутқ ва кийиниш маданиятининг жихатларини ёритиш.
   

Мустақил ишни бажариш тартиби:
Устозларнинг ҳаёти ва фаолиятини тўлиқ қамраб олган матнли, кўргазмали тасвир: расм, сурат ва иллюстрациялар билан безатилган альбом тайёрланади. Альбом талабанинг шахсий мулки ҳисобланади ва у гурухда тақдимот қилинади (альбомнинг мактаб, лицей – коллежларда тақдим этилиши қўллаб қувватланади), тақдимотга мактаб, лицей – коллеждаги устозлар, ота оналар иштирок этиши мумкин ва Кафедра факултет деканати, Ёшлар иттифоқи ва бошқа жамоат ташкилотлари билан ҳамкорликда мустақил ишлар кўргазмаси ташкил этиши ҳамда энг яхши тақдимотлар соҳибини имкон даражасида рағбатлантириш мумкин. Бундан ташқари, ушбу мавзуда алоҳида Ўқитувчи ва мураббийлар куни арафасида қизиқарли маънавий – маърифий тадбир ўтказиш ҳамда университет кутубхонасида энг яхши тақдимотларнинг кўргазмасини ташкил этиб у билан барчанинг танишиши учун шароит яратиш мақсадга мувофиқ.


АЛЬБОМ ТАЙЁРЛАШ ТАРТИБИ
Талаба ёшлар альбом тайёрлаш мобайнида устозларга ўзларининг шахсий фикрларидан иборат бўлган таърифларини, ҳамда халқ мақоллари, шеърлар, хадислардан намуналар ва ҳаётий мисоллар келтиришлари лозим. Устозларни бир-биридан фарқловчи сифатларини алоҳида таъкидлаб ўтишлари керак.