V. A. Kosteckiy MÁmleket hám huqíq tiykarlarí

3
OQÍWSHÍLARǴA
Elimizde  ǵárezsizlik  jıllarında  ámelge  asırılǵan  keń  kólemli 
reformalar  milliy  mámleketshilik  hám  suverenitetti  bekkemlew, 
qáwipsizlik  hám  huqıq-tártipti,  mámleketimiz  shegaralarınıń  qol 
qatılmaslıǵın,  jámiyette  nızam  ústemligin,  insan  huqıq  hám  erkin-
liklerin,  milletler  aralıq  tatıwlıq  hám  diniy  bawırkeńlik  ortalıǵın 
támiyinlew  ushın  zárúr  tayanısh  boldı,  xalqımızdıń  múnásip  ómir 
súriwi,  puqaralarımızdıń  dóretiwshilik  sheberligin  júzege  shıǵarıw 
ushın zárúr sharayatlar jarattı.
Tez  pát  penen  ózgerip  baratırǵan  dúnyada  insan  sanası  ushın 
gúres  kúsheytip  baratırǵan  dáwirde,  jınayatshılıqtıń  hám  huqıqbu-
zarlıqtıń  aldın  alıw,  diniy  ekstremizm  hám  terrorizmge,  uyımlasqan 
jınayatshılıqtıń  basqa  túrlerine  qarsı  gúresiw  boyınsha  shólkemles-
tiriw-ámeliy  ilajların  kúsheytiw  kún  tártibindegi  eń  global  másele-
lerden  biri  bolšp  qaldš.  Usš  mániste  gárezsizliktiń  dázlepki  jıllarında 
baslanǵan jumšslardıń izshil dawamı sıpatında xalıqtıń huqıqıy máde-
niyatın  kóteriw  hám  huqıqıy  sanasın  arttırıw  máseleleri  de  ayrıqsha 
princip  sıpatında  2017-2021-jıllarda  Ózbekistan  Respublikasın  rawaj-
landırıwdıń bes turaqlš baǵdarı boyınsha háreketler strategiyasında óz 
kórinisin taptı.
«Mámleket hám huqıq tiykarları» oqıw pánin oqıtıwdıń óz aldına 
qoyǵan tiykarǵı maqseti oqıwshılardıń huqıqıy mádeniyatın jetilistiriw-
den ibarat. Bul sabaqlıq mine usınday maqsetlerge xızmet etedi.
Áziz  oqıwshı!  Tómengi  klasslarda  siz  mámleket  huqıqtıń  kelip 
shıǵıwı, mámleket formaları, xalıq hákimiyatshılıǵı, huqıqy normalar, 
huqıq  tarawları,  Ózbekistan  Respublikası  Konstituciyası,  onıń  dúzi-
lisi,  maqset  hám  wazıypaları  haqqında  bilimlerge  iye  bolǵansız.  Bul 
sabaqlıqta berilgen bilimler bolsa huqıqıy bilimlerińizdi arttırıwǵa hám 
de  elimizde  ámelde  bolǵan  huqıq  tarawları  menen  tanšsšwšńšzǵa  jár-
dem beredi. Sabaqlšqtaǵı ámeliy tapsırmalar arqalı alǵan bilimlerińizdi 
bekkemleysiz.