Ўзбекистон республикаси олий ва ўрта махсус таълим вазирлиги мирзо улуғбек номидаги ўзбекистон миллийуниверситети

Малакавий амалиёти хусусиятлари

Малакавий амалиёт бошқа амалиёт турлари каби:

1. 
   Таълимий (мавжуд, эгалаган назарий, амалий билимлар ва уларни татбиқ этиш бўйича кўникма ва малакаларни такомиллаштириш, мустаҳкамлаш)
   
2. 
   Тарбиявий (касбий тайёргарлик: психологни шакллантиришда шахслилик, мотивацион, эмоционал-хусусий, иродавий, регулятив ёндашувлардан комплекс ва системли тарзда фойдаланиш; мутахассис сифатида ўзгаларга таъсир кўрсатиш, шунингдек, социо ва аудио тренингларни қўллаш: гуруҳ ва жамоани таркиб топтириш кабилар)
   
3. 
   Кўп қирралилик, кўп ёқламалилик (касбий фаолиятни барча турлари функцияларини намоён этиш, мутахассисда жамоатчилик фаолиятини кенгайтириш ва фаоллик уйғотиш, мавқе, роль, ижтимоийлашув ўзига хослигини намоён қилиш)
   
4. 
   Унинг ижодийлиги, самарадорлиги, илмийлиги (машғулотларда кузатиш эксперимент, жамоатчилик фикри, экспериментни баҳолаш: эмпирик натижалар ишончлилиги, валидлиги ва репрезентативлиги, илғор касбий тажрибаларни ёйиш, гурух, жамоа ва якка шахсга таълимий-тарбиявий таъсир ўтказишда ижодийлик шаклларидан фойдаланиш) хусусиятга эга.
   

Малакавий амлиётининг аҳамияти ва вазифалари

Мазкур амалиётнинг аҳамияти шундан иборатки, психолог мутахассисларнинг амалий психолог сифатида ижтимоий турмушнинг барча жабҳаларида (таълим тизимида, оила, ишлаб чиқариш корхоналарида, тиббиёт ва соғлиқни сақлаш муассасаларида, физкультура ва спортда ҳуқуқ-тартибот ташкилотларида мудофаа вазирлиги, Миллий хавфзлик, транспорт ва ҳоказоларда) касбий тайёргрлигини намойиш этиш билан бирга ғоявий етук шахс, жамоатчи, инсоншуносликнинг тарғиботчиси тимсолида намоён бўлишидир. Халқ хўжалигини такомиллаштириш, ишлаб чиқариш самарадорлигини ошириш, шахслараро илиқ муҳитни вужудга келтириш, баркамол шахсни шакллантириш, руҳий ва хулқий оғишлардан узаиш машғулотларни олиб бориш, зўриқиш ҳамда низоли вазиятларни рўёбга чиқариш, истеъдодли ёшларни танлаш, оила бутлигини таъминлаш каби жараёнларда психологнинг иштирок этиши амалиётининг нечоғлик аҳамиятли эканлигидан далолат беради.