Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚни сақлаш

Фаннинг мақсад ва вазифалари
Ушбу фаннинг ўрганишда асосий мақсадлари болалар ва ўсмирларда руҳий бузилишларнинг илк кўринишларини аниқлай билиш, энг кенг тарқалган руҳий ва наркологик касалликларни аниқлаш ва ташҳис қўйишнинг, шошилинч психиатрик ва наркологик ҳолатларда ўз вақтида биринчи шифокор ёрдами кўрсатиш кўникмаларини ўзлаштириш, деонтология принципларини ҳисобга олган ҳолда болалар ва ўсмирларда руҳий касалликларнинг психопрофилактикасини ўтказиш ва руҳий касалликлар фоизини болалар орасида камайтиришдир. Психодиагностика эгаллаши – психологик омиллар қатнашиши ва психотерапия, психологик реабилитация воситалари қўлланилиши мумкин бўлган соғлиқ муаммоларига ва ривожланишни ўз вақтида ва тўғри билиб олиш.
Руҳий кўмаклашиш воситалари билан турли хил соматик, психосоматик ва асаб-руҳий касалликларнинг пайдо бўлиши, авж олиши ва кучайишидан огоҳ этиш маҳоратини шакллантириш. Индивидуал, оилавий, гуруҳий психотерапия ва реабилитациянинг ҳамммабоп ва самарадор усулларини ўзлаштириш.

Фан бўйича талабаларнинг билим, кўникма ва малакаларига
қўйиладиган талаблар
«Психиатрия, наркология ва болалар психиатрияси тиббий психология ва психотерапия» ўқув фанини ўзлаштириш жараёнида амалга ошириладиган масалалар доирасида бакалавр

• 
  этика ва деонтологиянинг асосий принциплари, асосий тарқалган руҳий касалликларнинг этиопатогенези, клиникаси, кечуви ва прогнози, психофармакотерапия ва психотерапиянинг асосий принциплари, психопрофилактика ва психогигиенанинг асосий принциплари шифокор ва бемор мулоқоти психологияси, мулоқот самарадорлигини ошириши йўналишлари, асосий психологик вазифаларни тадқиқ қилиш усуллари тўғрисида тасаввурга эга бўлиши керак.
  
• 
  соматик ва рухий беморларда рухий патологияни аниқлаш, дифференциал ва дастлабки ташҳис қўйишда параклиник текширувлар натижаларидан фойдаланишни, асосий психопатологик синдромларни аниқлаш ва квалификация қилиш (астеноневротик, психопатсимон, депрессив, маниакал, васваса – галлюцинатор, онгнинг йўқолиши, онгнинг қоронғилашуви, деменция ва олигофрения, абстинент синдром, тутқаноқ ва эпилептик статус) болаларда ва ўсмирларда психик вазифаларни ўрганишни ўзига хослиги,шахснинг, темперамент ва характерининг норма ва патологияси, тиббиёт амалиётида кенг қўлланиладиган психотерапия усуллари, болалар ва ўсмирларда ўсмирларда психотерапияни ўтказишни ўзига хослиги, асосий психологик вазифаларни соғлом ва касалларда текшириш усуллари билиши керак.
  
• 
  руҳий беморлар ва уларнинг қариндошлари билан суҳбат ва сўров ўтказиш, тиббий ҳужжатлар ва мутахассис психиатрга берилган йўлланмаларда руҳий статусни ёзишни билиш,асосий шахсият бузилишларини аниқлаш ва малакалаштириш (патологик рекциялар, патологик ривожланиш, характер акцентуацияси, пихопатиялар), психотерапияни керакли кўринишини аниқлаш, турли хил касалликларда оилавий, гуруҳий ва жамоали шароитда шифокорлик фаолиятида психотерапияни қўллаш, соғлиқ ва унинг бузилишларининг турли хил жиҳатларига илова қилган ҳолда эгаллаши ва фойдалана олиши керак.
  

. психомотор қўзғалишда, агрессия, суицидал ҳаракатлар, овқатдан бош тортиш, абстиненция синдромида шошилинч ёрдам кўрсатиш, рационал психотерапия ва аутотренинг усулларни қўллаш каби малака ва кўникмаларга эга бўлиши керак.