1. Ijtimoiy-madaniy masalalar / Sog‘liqni saqlash

10-jadval
Ambulatoriya-poliklinika muassasalarining maydoni va tavsiya etiladigan tarkibi

T/r	Xonalarning nomi	Maydon, m^2
		qatnovlar soni
		10 — 20	21 — 50	51 — 100	101 — 200	201 — 400	401 va undan ortiq
1	2	3	4	5	6	7	8
1.	Vestibyul-garderob	-	-	-	har bir tashrif buyuruvchi uchun 0,38, lekin 10 dan kam emas
2.	Tayyor dori vositalarini realizatsiyasi uchun mo‘ljallangan dorixona	amaldagi me’yoriy hujjatlarga binoan
3.	Kutish zali*	har bir tashrif buyuruvchi uchun 0,38, lekin 10 dan kam emas			har bir tashrif buyuruvchi uchun 0,2, lekin 10 dan kam emas
4.	Ro‘yxatxona	-	-	-	1 ta ro‘yxatga oluvchi uchun 8, lekin 10 dan kam emas
Yuqumli kasalliklar bloki
5.	Infeksionist xonasi	-	-	-	12	12	12
6.	Yuqumli kasalliklarga gumon qilingan bemorlarni vaqtinchalik alohidalash uchun filtr sanuzel bilan	-	-	-	12+3	12+3	12+3
7.	30-shaklga tahlil olish xonasi	-	-	-	4	4	4
8.	Oral regidratatsiya punkti sanuzel bilan	-	-	-	12+3	12+3	12+3
9.	Sil kasalliklarini qabul qilish uchun alohidalangan ftiziatr xonasi sanuzel bilan	-	-	-	12+3	12+3	10+3
10.	Balg‘am yig‘ish xonasi	-	-	-	8	8	8
11.	Umumiy amaliyot shifokori xonasi ko‘ruv xonasisiz	14	14	14	14	14	14
12.	Umumiy amaliyot shifokori xonasi ko‘ruv xonasi bilan	10+8	10+8	10+8	10+8	10+8	10+8
13.	Tor mutaxassislar xonalari (terapevt, allergolog, pediatr, gematolog, nevropatolog, endokrinolog, psixiatr, dermatolog, kardiolog, urolog, ginekolog, travmatolog, ortoped, onkolog, gelmintolog va b.)	10	10	10	10	10	10
14.	Xirurg xonasi	10	10	10	10	10	10
15.	Toza bog‘lov xonasi	12	12	12	12	12	12
16.	Yiringli bog‘lov xonasi	12	12	12	12	12	12
17.	Kichik operatsiya xonasi operatsiya oldi xonasi bilan	24+8	24+8	24+8	24+8	24+8	24+8
18.	Travmatolog bog‘lov xonasi	12	12	12	12	12	12
19.	Gipslash xonasi gips saqlash xonasi bilan	12+3	12+3	12+3	12+3	12+3	12+3
20.	Kardiolog xonasi EKG apparati bilan	12+6
21.	Muolaja xonasi*	12
22.	Akusher-ginekolog xonasi ko‘rish xonasi bilan	-	-	-	12+3	12+3	12+3
23.	Otolaringolog xonasi (zarurat bo‘lganda)	12+8	12+8	12+8	12+8	12+8	12+8
24.	Oftalmolog xonasi qorong‘u kabina bilan (zarurat bo‘lganda)	12+8	12+8	12+8	12+8	12+8	12+8
Kunduzgi statsionar
25.	Shifokor xonasi	10	10	10	10	10	10
26.	Muolaja xonasi	10	10	10	10	10	10
27.	Palatalar (erkaklar va ayollar uchun alohida)	1 ta o‘ringa 5 m2.	1 ta o‘ringa 5 m2.	1 ta o‘ringa 5 m2.	1 ta o‘ringa 5 m2.	1 ta o‘ringa 5 m2.	1 ta o‘ringa 5 m2.
28.	Sanuzel (erkaklar va ayollar uchun)	3	3	3	3	3	3
Kontakt linzalar laboratoriyasi:
	kutish zali	-	-	-	6	6	6
	muolaja xonasi	-	-	-	12	12	12
	materiallar xonasi	-	-	-	15	15	15
	shifokor xonasi	-	-	-	12	12	12
	laboratoriya mudirining xonasi	-	-	-	12	12	12
Stomatologiya
29.	Terapevtik stomatologiya xonasi 1 ta kreslo uchun	12 m2., har bir qo‘shimcha kreslo uchun 10
30.	Xirurgik stomatologiya xonasi 1 ta kreslo uchun	12 m2
31.	Ortopedik stomatologiya xonasi 1 ta kreslo uchun	12 m2., har bir qo‘shimcha kreslo uchun 10
32.	Ortodontik stomatologiya xonasi 1 ta kreslo uchun	12 m2., har bir qo‘shimcha kreslo uchun 10
33.	Bolalar stomatologi xonasi	12 m2., har bir qo‘shimcha kreslo uchun 10
34.	Implantologiya operatsiya xonasi operatsiya oldi xonasi bilan	14+6
Tish-texnik laboratoriyasi
35.	Asosiy xonalar	10	12 m2., har bir qo‘shimcha texnik uchun 10
36.	Maxsus xona	10	12 m2., har bir qo‘shimcha texnik uchun 10
36.	Rentgen bo‘limi	Amaldagi sanitariya qoidalari va boshqa me’yoriy hujjatlar talablari asosida
37.	Fizioterapiya bo‘limi	ushbu sanitariya qoidalarning 11-jadvaliga muvofiq
38.	Klinik-diagnostik laboratoriya	ushbu sanitariya qoidalarning 12-jadvaliga muvofiq
39.	Funksional diagnostika bo‘limi	ushbu sanitariya qoidalarning 13-jadvaliga muvofiq
40.	Markaziy sterilizatsiya bo‘limi	ushbu sanitariya qoidalarning 15-jadvaliga muvofiq
41.	Yordamchi xonalar	ushbu sanitariya qoidalarning 17-jadvaliga muvofiq

14-§. Fizioterapiya bo‘limi
150. Fizioterapiya bo‘limi DPMning (shifoxona, poliklinika, dispanserlarning) tarkibiy tuzilmasi bo‘lib hisoblanadi. Ushbu muassasalarning quvvati, tarkibi va yo‘nalishidan kelib chiqqan holda fizioterapiya bo‘limi alohida bo‘lishi yoki umumiy davolash bo‘limlari birlashtirilishi mumkin.
151. Fizioterapiya bo‘limi davolash bo‘limlari bilan qulay bog‘liqlikda loyihalashtirilishi lozim. Bo‘limni loyihalashtirishda bemorlar ushbu bo‘limga shifoxonaning qaysi davolash-diagnostika bo‘limlaridan ko‘proq kelishini inobatga olish lozim.
152. O‘z poliklinikasiga ega bo‘lgan shifoxonalarda va dispanserlarda fizioterapiya bo‘limi, odatda markazlashtirilgan yoki poliklinika bilan qulay bog‘liqlikda joylashtiriladi. Ushbu bo‘limlarni loyihalashda shifoxonadagi va poliklinikadagi bemorlar oqimini maksimal ravishda ajratilishini (kirish eshiklari bo‘lib-bo‘lib joylashtirilishini, mustaqil kutish zallari yoki xonalardan har xil vaqtda foydalanish imkoniyati mavjudligini) ta’minlash lozim. Poliklinikalar va shifoxonalarning poliklinika bo‘limlari tarkibida bolalar bo‘limlari mavjud muassasalarda bo‘lim tarkibida loyihalashtirish tavsiya etiladi.
153. Fizioterapiya bo‘limining alohida xonalari bolalar shifoxonalarining davolash bo‘limlari, tug‘ruqxonalarning homiladorlik patologiyasi bo‘limlarida, harakatlanish imkoniyati cheklangan hamda bunday davolash turlariga ancha yuqori ehtiyoji bo‘lgan bemorlar ulushi ko‘proq bo‘lgan davolash bo‘limlarida (nevrologiya, neyroxirurgiya, travmatologiya, ortopediya va kardiologiya) ham loyihalashtirilishi mumkin va bu talablar loyihalash topshirig‘i bilan belgilanadi.
154. Ushbu xonalarda muolajalar joyining soni fizioterapiya xonalarining umumiy sonidan kelib chiqqan holda hisobga olinadi.
155. Suv va shifobaxsh balchiq bilan davolash usullari qo‘llanadigan fizioterapiya bo‘limlari tashkil etilganda, fizioterapiya bo‘limlarini “nam” (suv, shifobaxsh balchiq bilan davolash) va “quruq” (elektr, nur va issiqlik bilan davolash) hududlariga bo‘linishi zarur. Ushbu talablar namlik, elektr xavfsizligi va xonalarni pardozlash ishlarini belgilash uchun bog‘liq. Suvda harakatlanish bilan davolash xonasi ham “nam” hududga tegishli bo‘lib, ular odatda birinchi qavatda suv bilan davolash xonalari bilan birga rejalashtiriladi.
156. Fizioterapiya bo‘limining “quruq” hududidagi xonalar har qanday qavatlarda joylashtirilishi mumkin, biroq bo‘limning tashkiliy birligini inobatga olib, ikkala hududlarning qulay bog‘liqligini ko‘zda tutish lozim.
157. Shifobaxsh balchiq bilan davolash, serovodorodli va radonli vanna xonalarini bevosita palata bo‘limlarining ostida joylashtirish mumkin emas.
158. Barcha metall buyumlar va asboblar himoyalovchi erga ulangan sim bilan ta’minlanishi lozim. Kabinalarning metall konstruksiyalari devordan va poldan izolatsiya qilingan bo‘lishi lozim.
159. Nurlantiruvchi uskunalar uzoqda joylashtirilgan mikroto‘lqin terapiyasini o‘tkazish uchun jihozlarni mikrosimli mato bilan izolatsiya qilingan xonalar yoki kabinalarda joylashtirish lozim.
160. Quvvati 100 Vt yuqori bo‘lgan statsionar ultra yuqori chastota (UYuCh) jihozlari yoki quvvati 100 Vt kam bo‘lgan 4 ta yoki undan ortiq ultra yuqori chastota (UYuCh) jihozlarini boshqa elektr va nur bilan davolash xonalari bilan yonma-yon bo‘lgan alohida xonada joylashtirish zarur.
161. Ultra yuqori chastotali va o‘rta yuqori chastotaga ega nurlanishga ega fizioterapiya uskunalari nurlanish yo‘nalishi binoning tashqi devoriga yo‘naltirilgan bo‘lishi kerak.
162. Ultra yuqori chastotali va o‘rta yuqori chastotali apparatlaridan nurlanish shakllanishini oldini olish maqsadida yon tomondagi fizioterapevtik qurilmalardan bemorlar va xodimlarga nurlanish ta’sirini kamaytiradigan qilib joylashtirish kerak.
163. Elektr uyqu bilan davolash xonasini tovushdan izolatsiya qilish sharoitlarida joylashtirilishi lozim. Derazalar uchastkaning eng sokin hududida joylashishi zarurligini inobatga olib, uni bo‘limning kirish-chiqish qatnovi bo‘lmagan hududida joylashtirish tavsiya etiladi.
Xona tovushdan himoya qiluvchi shlyuz rolini o‘ynaydigan kuzatish oynasiga ega apparatxonaga ega bo‘lishi, shuningdek yorug‘lik va tovushdan himoyalovchi pardalar bo‘lishi kerak.
164. Fotariy ultrabinafsha nurlari bilan profilaktik nurlanishga oid guruhli muolajalarni olib borish uchun mo‘ljallanadi. Ushbu muolaja turi bolalar DPMlari, sanatoriy-profilaktoriylar va poliklinikalarda ko‘zda tutiladi. Fotariy qoshida bemorlar uchun kiyinish xonasi hamda tibbiy hamshiraning ish joyi tashkil etiladigan pult xonasi ko‘zda tutiladi. Pult xonasi maydoni kamida 0,5 m² bo‘lgan shishali kuzatish oynasiga va tovushli signalizatsiyaga ega bo‘lishi kerak. Pult xonasiga kirish muolaja xonasi orqali tashkil etiladi.
165. Refleksoterapiya xonasi ikkita yonma-yon joylashgan izolatsiya qilingan xonalardan, ya’ni alohida xonalarda joylashtiriladigan shifokor xonasi hamda 4 — 6 ta muolaja o‘rinlari bilan jihozlangan muolajalar xonasidan iborat bo‘lishi lozim. Bemorlar uchun kushetkalar va kreslolar joylashtiriladi va ularni joylashtirishda xodimlarning ikki tarafdan ish olib borish imkoniyati ko‘zda tutiladi.
166. Issiqlik bilan davolash xonasi parafin va ozokerit davolash muolajalarini o‘tkazish uchun mo‘ljallangan. Xona qoshida havo tortuvchi javon bilan jihozlangan parafin va ozokeritni isitish uchun qo‘shimcha xona loyihalashtirilishi lozim.
167. Umurtqa pog‘onasini tortish xonalarining oldida dam olish xonasi joylashtirilishi lozim.
168. Shifobaxsh balchiq bilan davolash zali dush kabinalari bilan tutashgan alohida kabinalardan hamda bemorlar yechinadigan ikkita kabinadan iborat bo‘lishi lozim. Bemorlar uchun kirish eshigi faqatgina yechinish kabinalari va dushxonalari orqali ko‘zda tutiladi.
169. Shifobaxsh balchiq muolajalari balchiq bilan davolash xonalar tarkibiga kiritiladi, lekin ushbu xonalar elektr bilan davolash xonalariga qo‘yiladigan talablarga rioya qilgan holda joylashtirilgan alohida izolatsiya qilingan xonada amalga oshirilishi lozim.
170. Shifobaxsh balchiq bilan davolashga oid muolajalar joyining umumiy soni 7 va undan ortiq bo‘lganda, shifobaxsh balchiqni tashish va isitish jarayoni mexanizatsiyalangan bo‘lishi kerak. Ularning soni kamroq bo‘lganda shifobaxsh balchiq bilan davolash zaliga tutashgan shifobaxsh balchiq tayyorlash xonasiga uzatilib, u erda maxsus isitish vositalarida yoki tashuvchi qurilmalarida isitiladi.
171. Fizioterapiya bo‘limi xonalarining maydoni 11-jadvalga muvofiq bo‘lishi lozim.
11-jadval
Fizioterapiya bo‘limi xonalarining maydoni va tavsiya etiladigan tarkibi