10-mavzu: Yuqumli ichak kasalliklari. (ichak tayoqchasi). Ovqatdan zaharlanishni keltirib chiqaruvchi mikroorganizmlar: salmonellyoz, botulizm Reja

Laboratoriya tashxisi. Kolienterit va boshqa koliinfeksiyalarga mikrobiologik tashxis qo‘yish uchun bemorning najasi, burun-halqumidan surtma, murdadan esa qon, o‘t, jigar, taloq, o‘pka, ingichka va yo‘g‘on ichakdagi moddalar, yiring olib tekshiriladi. Tekshirilishi lozim bo‘lgan
material qattiq oziq muhitlarga(Endo, Levina va boshqalar) va qo‘shimcha tif va paratiflar, ichburug‘bakteriyalari o‘suvchi Ploskirev, vismut-sulfit agarlarga ekiladi. Agarsepsisga gumon qilingan holda qon avval bulonga, so‘ng muvofiq,qattiq oziq muhitga ekiladi. Ajratib
olingan sof kulturani differensiatsiya qilish uchun morfologayasi,o‘sishi, biokimyoviy va serologik xususiyatlari tekshiriladi.Ajratilgan esherixiyaning qaysi O-guruxga mansub ekanligini aniqlash uchun avval tekshirilayotgan undirma qaynatiladi, bunda K antigen
parchalanadi, so‘ng agglyutinatsiya reaksiyasi qo‘yiladi, bunda OK- va O-zardoblardan foydalaniladi.Ajratib olingan kulturani yoki tekshirilishi lozim bo‘lgan materialni tezlikda identifikatsiya qilish uchun immunoflyuressent reaksiyasidan foydalaniladi. Natijani 1-2 soat davomida aniqlash mumkin Kolienteritga serologik tashxis qo‘yish uchun bilvosita gemmaglyutinatsiya reaksiyasi qo‘yiladi. Agar reaksiyaning diagnostik titri oshib boraversa,
bu musbat natija hisoblanadi.
Davosi va profilaktikasi. Koli-infeksiya bilan og‘rigan bemorlarga antibiotiklar (tetratsiklin, levomitsetin, polimiksin, nitromitsin vaboshqalar) beriladi. Bundan tashqari, biologik preparatlar: koli-autovaksina, kolibakterin, laktobakterin, bifikol, bifidumbakterinlar
qo‘llaniladi.Koli-infeksiyaning oldini olish uchun bemorlarni tezda aniqlash, ularni kasalxonaga joylashtirish va tegishli davolash muhim ahamiyatga ega. Shuning uchun muntazam ravishda bolalar muassasalari xizmatchilari va oshpazlarini vaqti-vaqti bilan tibbiy ko‘rikdan o‘tkazib turish (dispanserizatsiya), sut tayyorlash oshxonalari, tug‘ruqxonalar va bog‘chalarda sanitariya-gigiena qoidalariga qat’iy rioya qilish, suv, oziq-ovqatlar, ho‘l mevalarning
Ifloslanmasligini ta’minlash kasallikning oldini olishda muhim. Koli-infeksiyaga qarshi maxsus profilaktika ishlab chiqilmagan.E.coli sanitar ko‘rsatkich mikroorganizm hisoblanadi. Shuning uchun suv, oziq-ovqat, spirtsiz ichimliklar, turli buyumlarda uchramasligi lozim.
Suv, oziq-ovqat mahsulotlari, tuproqda, ichak tayoqchasi borligini tekshirish uchun koli- titr va koli indeks aniqlanadi.