Davlatimizning xalq salomatligini asrash borasidagi samarali faoliyati

Xabar qilinganidek, Jahon sog„liqni saqlash tashkiloti koronavirusning 
yangi turini pandemiya, deb e‟lon qildi. Ayni paytda virus jahonning 160 dan 
ortiq mamlakatida qayd etilib, u bilan zararlanganlar soni 200 mingdan 
oshdi.
Virus tarqala boshlagan ilk kunlardanoq mamlakatimiz fuqarolari 
xavfsizligini ta‘minlash maqsadida aniq choralar ko‗rila boshlandi. 
Prezidentimiz Shavkat Mirziyoyev topshirig‗i bilan virusga qarshi kurash 
bo‗yicha maxsus komissiya tuzilib, infeksiyaning mamlakatimizga kirib 

---

kelishining oldini olish maqsadida davlat chegaralaridagi mavjud 53 ta sanitariya-
karantin punktida qat‘iy nazorat o‗rnatildi. Ushbu vaqt mobaynida nafaqat 
mamlakat ichida, balki xorijda bo‗lib turgan fuqarolarimiz hayotini ishonchli 
himoya qilish ishlari ham tizimli yo‗lga qo‗yildi. 
Dastlab, Xitoydagi vaziyat sabab ushbu mamlakatdagi elchixonamizda 
Tezkor shtab tuzildi va fuqarolarimiz bilan doimiy aloqa o‗rnatildi. Hamkor 
mamlakat bilan olib borilgan birgalikdagi amaliyot natijasida karantin hududida 
qolib ketgan o‗zbekistonliklar maxsus charter reyslarda vatanga qaytarildi va 14 
kunlik tibbiy nazoratga olindi. 
―Shunday og‗ir vaziyatda farzandlarimizning Vatanga qaytarilishini tashkil 
qilgan yurtboshimiz, hukumatimiz, Xitoyda turib jigargo‗shalarimiz holidan xabar 
olgan elchixona vakillariga o‗z minnatdorligimni bildiraman‖, deya qayd etgan edi 
Xitoyda tahsil olayotgan o‗zbekistonlik talabaning onasi. 
Tezkor shtab va ko„mak guruhlari: kunu tun fuqarolar bilan aloqada
Virus tarqalish geografiyasi kengayib borgani sabab barcha xorijdagi 
diplomatik vakolatxonalarimizda ham Tezkor shtablar tuzila boshlandi. Ana 
shunday ilk tezkor ko‗mak guruhlari faoliyati haqida so‗z borganda, 
O‗zbekistonning Janubiy Koreya, Yaponiya, Italiya, Erondagi vakolatxonalari 
huzurida ochilgan shtablarni qayd etish mumkin. Dunyo miqyosida eng ko‗p virus 
tarqalgan hudud sifatida baholangan ushbu davlatlardagi elchixonalarimiz 
tomonidan fuqarolarimizning 5 mingdan ortiq savoliga javob qaytarilib, ularni 
qiynab kelayotgan muammolarga yechim topildi. Yaponiyadagi elchixonamiz 
tomonidan O‗zbekiston fuqarolari uchun bepul asosda tibbiy niqoblar tarqatilishi 
yo‗lga qo‗yildi. 
Joriy yil 16 martdan boshlab O‗zbekiston Tashqi ishlar vazirligi, xorijdagi 35 
ta elchixona va 17 Bosh konsulxonamizda vatandoshlar murojaatlariga zudlik bilan 
javob berish uchun tunu kun ishlaydigan Tezkor shtablar faoliyati yo‗lga qo‗yildi. 
Ular ishini samarali tashkil etish maqsadida fuqarolarga masofadan turib ko‗mak 
berish imkoniyati yaratildi. Ya‘ni ijtimoiy tarmoqlarda maxsus guruhlar tuzildi, 
internet resurslarida murojaatlarni qabul qilish bo‗yicha elektron manzillar ochilib, 
yagona qo‗ng‗iroq markazi (Call-center) – 1164 ishga tushirildi. 
O‗zbekiston Respublikasi Tashqi ishlar vazirligi Tezkor shtabi ma‘lumotiga 
ko‗ra, dastlabki ikki kun davomida ―Call-center‖ga 2 mingdan ortiq fuqaro 
murojaat qildi, Telegram messenjeri orqali o‗z savoliga javob olganlar 3 ming 
nafarga yetdi. 
Elchixonalar qoshida tuzilgan shtablarga kelib tushayotgan murojaatlar 
asosan fuqarolarning vatanga qaytishda yordam ko‗rsatish masalasida bo‗lmoqda. 
Qayd etish joiz, koronavirus epidemiyasi sabab aksar davlatlar xorijiy 
mamlakatlar bilan barcha xalqaro avia, avto va temir yo‗l qatnovlarini vaqtincha 
bekor qilishga qaror qilmoqda, o‗z chegaralarini birin-ketin yopmoqda.