Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

Энергетик аудитни ўтказиш қоидалари
Режа

1. 
   Энергетик текширувлар ва экспертизаларни ўтказишни ташкил қилиш
   
2. 
   Энергетик текширишнинг турлари
   
3. 
   Энергетик текширувларни ўтказиш ва уларни расмийлаштириш тартиби
   
4. 
   Ёқилғи-энергия ресурсларининг тадқиқ қилинадиган истеъмолчиларига қўйиладиган талаблар
   
5. 
   Томонларнинг энергетик текширишни ўтказиш бўйича ҳуқуқлари ва жавобгарлиги
   
6. 
   Энергетик текширувларни ўтказишнинг ТИПЛАШГАН ДАСТУРИ
   

Умумий қоидалар.
Қоидалар ёқилғи-энергия ресурсларининг истеъмолчиларининг ёқилғи-энергия ресурсларидан фойдаланишининг самарадорлигини баҳолаш ва ёқилғи ва энергия таъминотига кетадиган харажатларни камайтириш имкониятларини аниқлаш мақсадида энергоаудиторлар томонидан ёқилғи-энергия ресурсларидан фойдаланувчиларни энергетик текширувлар ва экспертизалардан ўтказиш тартибини белгилайди.
Мажбурий тартибда бирламчи энергетик теширишга тортиладиган ёқилғи-энергия ресурслари истеъмолчиларининг рўйхати давлат назорати органлари томонидан Ўзбекистон Республикаси Иқтисодиёт Вазирлиги билан келишган ҳолда тузилади ва ёқилғи-энергия ресурсларини тежаш бўйича Комиссия томонидан тасдиқланади.
Янги ва реконструкцияланадиган объектлар, технологилар ва асбоб-ускуналарнинг лойиҳа ҳужжатларини энергетик экспертизадан ўтказиш мажбурий бўлиб ҳисобланади.
Энергетик текширувлар ва экспертизаларни ўтказишни ташкил қилиш
Республикада ёқилғи-энергия ресурсларининг истеъмолчиларини энергетик текширувлар ва экспертизадан ўтказиш бўйича ишларни ташкил қилиш ва умумий раҳбарлик қилиш давлат назорати органлари томонидан амалга оширилади. Ёқилғи-энергия ресурсларининг истеъмолчиларини энергетик текширув ва экспертизадан ўтказиш фақатгина энергоаудиторлар томонидан амалга оширилади.
Текширишлар ва экспертизаларни ўтказишдан олдин энергоаудиторлар томонидан энергетик текширувлар ва экспертизаларни ўтказиш дастурлари тузилади, улар ёқилғи-энергия ресурсларининг истеъмолчиси билан келишилади ва давлат назорати органлари томонидан тасдиқланади. Энергетик текширувлар ва экспертизаларни ўтказиш дастурлари иқтисодиётнинг тармоқларида ёқилғи-энергия ресурсларидан фойдаланиш самарадорлигини баҳолашнинг амалдаги ёки янги илғор услублари асосида ишлаб чиқилиши лозим.
Текширувлар ва экспертизаларнинг мазмуни қуйидагиларга мос келиши лозим:

• 
  Республикада қабул қилинган меъёрлар ва Халқаро меъёрлар;
  
• 
  иқтисодий вазиятни баҳолаш;
  
• 
  энергетик ва экологик хавфсизликни таъминлаш;
  
• 
  маҳсулотлар, ишлар ва хизматларнинг рақобатбардошлигига таъсирни баҳолаш;
  
• 
  энергетик текширувлар ва экспертизаларни ўтказиш дастурлари.