Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

Энергетик текширишларнинг турлари
Мажбурий энергетик текширувларга уларда ёқилғи-энергия ресурсларининг йиғинди истеъмоли ёки ҳар бир тур бўйича истеъмоли йилига олти минг тонна шартли ёқилғидан ошиқ бўлган ёки 1 минг тонна мотор ёқилғисидан ошиқ бўлган истеъмолчилар тортилади.
Уларда ёқилғи-энергия ресурсларининг йиғинди истеъмоли ёки ҳар бир тур бўйича истеъмоли йилига олти минг тонна шартли ёқилғидан кам бўлган ёки 1 минг тонна мотор ёқилғисидан кам бўлган истеъмолчиларни энергетик текшириш ёқилғи-энергия ресурслари истеъмолчисининг мурожаатига кўра ёки истеъмолчи томонидан ёқилғи-энергия ресурсларидан норационал фойдаланилган тақдирда (мувофиқлштирувчи текширишларни ўтказиш пайтида аниқланган) давлат назорати органларининг қарорига кўра ўтказилади.
Энергетик текширишлар бирламчи, даврий (такрорий), навбатдан ташқари ва экспресс-текширишларга (маҳаллий) бўлинади.
Бирламчи текширишда ёқилғи-энергия ресурсларидан фойдаланишнинг самарадорлиги баҳоланади (ёқилғи-энергия ресурсларидан фойдаланадиган асбоб-ускуналарнинг ишлашининг самарадорлиги, ёқилғи-энергия ресурсларидан фойдаланишнинг ҳисобини юритишнинг ҳолати, улардан фойдаланиш бўйича ҳисоботлар, ёқилғи ва энергия таъминоти харажатларининг таҳлили текширилади).
Ёқилғи-энергия ресурсларидан фойдаланишнинг самарадорлигини баҳолаш текширишдан олдинги давр учун ўтказилади.
Текшириш натижалари ёқилғи-энергия ресурслари истеъмолчисининг ўрнатилган намунадаги энергетик паспортига киритилади (мазкур Қоидаларга 2-илова).
Ёқилғи-энергия ресурслари истеъмолини текшириш натижалари бўйича ёқилғи-энергия ресурсларидан фойдаланишдаги камчиликларни бартараф қилиш бўйича тавсиялар ва техник имкониятларга қараб иккиламчи энергетик ресурслардан фойдаланиш мумкин бўлишини ҳисобга олиш билан ёқилғи-энергия ресурсларидан фойдаланишнинг самарадорлигини ошириш бўйича ташкилий-техник тадбирларнинг рўйхати берилади.
Даврий (такрорий) текширишда илгари берилган тавсияларнинг бажарилиши текширилади, ёқилғи-энергия ресурслари истеъмоли ва уларнинг маҳсулот ишлаб чиқаришга кетадиган солиштирма сарфларининг динамикаси (энергия сиғими, ишлаб чиқаришнинг умумий харажатларида энергоресурсларнинг улуши) баҳоланади.
Текшириш натижалари бўйича ёқилғи-энергия ресурслари истеъмолчисининг энергетик паспортига ўзгартиришлар киритилади, шунингдек ушбу Қоидаларнинг 12-пунктида кўрсатилганларга ўхшаш тавсиялар берилади. Ёқилғи-энергия ресурсларининг истеъмолчиларини даврий (такрорий) текшириш энг камида 5 йилда бир марта ўтказилади.