Ijtimoiy jamiyatda oilani bolalarni tarbiya qilishdagi roli juda katta. Bola bog’chada bo’lishiga, maktabda o’qishiga qaramay o’z umrining uchdan ikki qismini uyda, ota-onasi bag’rida o’tkazadi

Go’dak bolalarning suzishi. Emizgikli go’dak bolalarni suzdirish yo’li bilan chiniqtirish keying yillarda keng shihrat topdi. Oldindan vrach bilan maslahatlashib chaqaloq 3 haftalik bo’lganidan boshlab suvda suzdira boshlash mumkin. Ilmiy tekshirishlar bilan shu narsa isbotlanganki, suv to’la vannada chaqaloqni doimo suzdirib turish ularda ochiqdan-ochiq ijobiy hissiyotlar paydo qiladi-bola quvnaydi, kuladi, g’udurlaydi, bir necha marta suzdirgandan keyin u turg’un tormozlanish reaksiyasiga o’tadi-bola miriqib yaxshi uxlaydi. Suvda suzdirish yurak-tomir va nafas sistemasi ishini yaxshilaydi, ovqat hazm qilish funksiyasini oshiradi, ishtahani yaxshilaydi, bola vaqtida uxlab, vaqtida uyg’oq bo’ladi, bu esa bolaning normal rivojlanishi uchun asosdir.
Mabodo bola kasal bo’lib qolsa, suzdirishni bas qiling. Bolani vrach ko’rgandan keyin uning ahvoliga qarab tegishli metodikada suzdirishni davom ettirish mumkin.


Bolani janubga olib borsa bo’ladimi
Cho’milish suv muolajasi bo’lgani uchun ham ota-onalar ko’pincha vrachlardan bolani dengizga, jumladan Qrimning Qora dengiz qirg’og’iga yoki Kavkazga olib borsa bo’ladimi deb so’raydilar.
Bu oddiy savol emas, garchi vrachlar bolalar uchun dengizda cho’milish foydali, deb aytishsa ham biz bu savolga yo’q, bolalarni u yerlarga olib bormang, deb javob beramiz. Ko’pchilik bolalar yoz oylarida bu iqlim sharoitlarini yomon ko’taradilar. U yerlarda havoning juda issiq van am bo’lishi tufayli bolalarni oftob yoki issiq urushi mumkin, yo bo’lmasa, bolalar juda injiq bo’lib qoladilar, ishtahalari yo’qoladi va salomatliklarida boshqa o’zgarish alomatlari paydo bo’ladi. Bola uchun o’zi o’zgargan sharoitning birdan o’zgarishi yaxshi emas. Yoz oylarida janubga borish bola organizmining juda kuchli o’zgarishini talab qiladi, jnubdan qaytib kelgandan keyin ham, xususan kuz oylarida (issiq yozdan salqin kuz havosiga qaytish) bola organizmi iqlimiga moslashish uchun ancha qiynaladi.
Bolani janubga olib borishdan olidn ota-onalar I yerda bolaning kun tartibi va ovqatlanishi qanday bo’lishini o’ylab ko’rishlari zarur. Chunki bola kun tartibi va ovqatlanishi salgina bo’lsada o’zgarmasligi kerak, bunday safarlarda esa bola uchun uydagidek qulay sharoit yaratishning aslo iloji bo’lmaydi. Binobarin, janubga bolalarning, xususan yosh bolalarning qisqa muddatga borishi tavsiya etilmaydi. Kasal bolalarga esa juda ehtiyot bo’lish kerak. Kasal bolalarni sanatoriyada davolashni vrach buyurgandagina yilning ma’lum davrida olib borish zarur. Bunday sharoitlarda ovqatlanish rejimi mutlaqo buzilmaydi, bolalar diomo malakali vrachlar nazoratida bo’ladilar.
Bola o’zo o’rgangan iqlimda dam olsa hammadan ham yaxshi bo’ladi, bu yerda uning sog’lig’i mustahkamlanadi va tabiat og’ushida bo’lib, quvnab-yayraydi.